Зьбіты міліцыяй актывіст Андрэй Моўчан – у шпіталі хуткай дапамогі (фота)
Актывіст «Эўрапейскай Беларусі» Андрэй Моўчан знайшоўся ў аддзяленьні траўматалёгіі бальніцы хуткай мэдычнай дапамогі.
Палатны лекар Моўчана кажа: «Ну, зьбіты міліцыяй. Пакуль інфармацыі мы не даём, будзем яго даабсьледаваць, у яго, магчыма, пералом сківіцы».
Карэспандэнтка: «А пералом сківіцы дакладна ёсьць?»
«Пакуль ня ведаю, ідуць абсьледаваньні».
Карэспандэнтка: «А наагул, у якім ён стане?»
«У нармальным стане. Можаце прыйсьці з 17-й да 19-й, наведаць яго, паразмаўляць».
Карэспандэнтка: «Ён пры сьвядомасьці, у прытомнасьці?»
«Так, канечне, пры сьвядомасьці».
Карэспандэнтка: «Ён моцна пабіты?»
«Умерана. Вы проста ня бачылі, што такое моцна...»
Карэспандэнтка: «На вашае ўяўленьне — сярэдне?»
«Ну, калі ён у аддзяленьні знаходзіцца, а не ў рэанімацыі».
Актывіста грамадзянскай кампаніі «Эўрапейская Беларусь» Андрэя Моўчана затрымалі 19 траўня. Ён разгарнуў бел-чырвона-белы сьцяг каля ўнівэрсаму «Першамайскі» ва Ўруччы на знак салідарнасьці з Сяргеем Каваленкам. Паводле папярэдняй высновы лекара, у Андрэя чэрапна-мазгавая траўма, пералом ніжняй сківіцы і рэбраў, адбітыя ныркі і ногі.
Оцените статью
1 2 3 4 5Читайте еще
Избранное