Затрыманыя акторы і гледачы «Свабоднага тэатру»
22 жніўня ў катэджы ў раёне Зялёнага Лугу ў Менску меўся адбыцца спэктакль «Свабоднага тэатру». Але ў дом уварваўся АМОН. Сярод 60 затрыманых група французаў і трое дзетак.
Новы праект «Свабоднага тэатру» быў пастаўлены паводле п'есы Эдварда Бонда «Адзінаццаць кашуляў». Аднак імпрэзе не судзілася адбыцца.
Перад пачаткам імпрэзы ў катэдж уварваліся байцы Полка міліцыі спэцыяльнага прызначэньня, і міліцыянт Басалыга загадаў усё спыніць. Гледачы (50 чалавек), акторы, а таксама журналісты і замежныя госьці (сярод іх францускі рэжысёр Крыстыян Бэнэдэці, кіраўніцтва францускага тэатру «Артфатвіль») былі затрыманыя і дастаўленыя ў пастарунак.
П’еса ангельскага драматурга Эдварда Бонда “Адзінаццаць кашуляў” прысьвечаная праблеме гвалту ў школьным асяродзьдзі. Але, паводле актораў Вольнага тэатру, “пры жаданьні можна і тут убачыць палітыку”.
Оцените статью
1 2 3 4 5Читайте еще
Избранное