«Кніга Алеся Бяляцкага можа нанесці ўрон іміджу Рэспублікі Беларусь»

Да такой высновы прыйшла экспертная камісія, на разгляд якой Ашмянская мытня накіравала зборнік літаратуразнаўчых эсэ і нарысаў «Асьвечаныя Беларушчынай», што выйшаў у свет за час зняволення аўтара.

40 асобнікаў выдання былі канфіскаваныя ў праваабаронцы Таццяны Рэвяка на беларуска-літоўскай мяжы ў пункце пропуску “Каменны Лог” 3 ліпеня бягучага года.

Як паведамляе праваабарончы цэнтр «Вясна», заключэнне экспертнай камісіі ад 3 верасня 2013 года Таццяна Рэвяка атрымала па пошце 5 верасня. Гэтаму папярэднічалі два месяцы перапіскі праваабаронцы з мытнымі органамі.

З даведкі экспертнай камісіі вынікае, што кніга Алеся Бяляцкага «можа нанесці ўрон іміджу Рэспублікі Беларусь».

Экспертамі былі Уладзімір Ягорычаў, дацэнт кафедры гісторыі Беларусі Гродненскага дзяржуніверсітэта, і Вадзім Хілюта, загадчык кафедры крымінальнага права і крыміналогіі юрфака згаданага ўніверсітэта. Хілюта таксама быў у складзе камісіі, якая прызнала экстрэмісцкім альбом «Belarus Press Photo 2011».

Оцени статью:
1
2
3
4
5
Средний балл - 0 (оценок:0)