Бабруйскага маёра выгналі з арміі за гандаль салдатамі
Камандзір адной з часцей Бабруйскага гарнiзона замест таго, каб вучыць падначаленых салдатаў вайсковай справе, здаваў iх у арэнду камерсантам. Паводле звестак упраўлення iнфармацыi i сувязяў з грамадскасцю Генеральнай пракуратуры, маёр па просьбе свайго знаёмага накiроўваў у яго распараджэнне вайскоўцаў для пагрузкi будаўнiчых матэрыялаў.
За танную рабсiлу афiцэр атрымаў ад удзячнага бiзнэсмена "ганарар" у памеры 100 тысяч рублёў. І гэта быў не адзiнкавы выпадак, калi камандзiр часцi салдацкiмi рукамi паляпшаў свой дабрабыт. Як высветлiла пракуратура, камандзiр таксама "пазычаў" сваiх падначаленых адной фiрме для пагрузкi i разгрузкi садавiны.
За злоўжыванне ўладай Бабруйскi мiжгарнiзонны суд прыгаварыў маёра да 3 месяцаў арышту. Нядобрасумленны афiцэр таксама звольнены з Узброеных Сiлаў Беларусi.
Оцените статью
1 2 3 4 5Читайте еще
Избранное