«Улады трошкі больш за некаторых крытыкаў ведаюць пра цяперашні ўплыў Белсату»
Калі нейкія людзі здуру (спадзяюся, што «здуру», а не наўмысна, жадаючы шкоды Белсату) кажуць, што Белсат малаэфэктыўны – то я хачу прывесьці самы відавочны аргумэнт.
Гэта – стаўленьне афіцыйных уладаў. Нікога так не ганялі на ўсіх узроўнях, як белсатаўцаў. Менавіта карэспандэнтаў Белсата выклікалі ў рэгіёнах у пракуратуру за працу без акрэдытацыі. Менавіта Белсат ні ў якай форме (ні як офіс, ні індывідуальна як «карэспандэнтаў замежных смі») не прызнавалі і не акрэдытоўвалі ў Менску, трымаючы яго фактычна на паўлегальным становішчы.
Менавіта «Белсат» (а не нейкія візавыя ці гандлёвыя паслабленьні) стаў галоўнай тэмай торгу афіцыйнага Менску з афіцыйнай Варшавай. Беларускім уладам прыбраць Белсат было важней нават за інвэстыцыі і эканоміку.
Бо, магчыма, улады трошкі больш за некаторых крытыкаў ведаюць пра цяперашні ўплыў Белсату і – галоўнае – разумеюць ягоны патэнцыял.
Ну, а польскія палітыкі, якія прымаюць гэтае рашэньне – проста вельмі вузка, прымітыўна, недальнабачна, і ў выніку – няправільна ўспрымаюць нацыянальныя інтарэсы сваёй краіны.
Оцените статью
1 2 3 4 5Читайте еще
Избранное