У Мінску адкрылася выстава экспанатаў з турмы Валадаркі
У Доме-музеі першага з’езда РСДРП экспазіцыя «Ульянаў-Ленін: паплечнікі і апаненты». Разынка: рэканструяваная камера Валадаркі.
Рэканструкцыя камеры з мінскай Валадаркі
Асабістыя рэчы дзеячоў бальшавіцкага руху
Шыльда на дзвярах камеры з Валадаркі, якія ўдалося знайсці падчас рамонту
Экспазіцыйны стэнд Ульянава-Леніна
Кайданкі і зэдлік з Валадаркі. Можа, на ім сядзеў і Колас?
Наведвальнікі выставы
Кубак, лыжка і талерка з мінскай турмы часоў Расійскай імперыі
Копія турэмнага партрэта Дзяржынскага
Выстава адбываецца ў межах Дзен Санкт-Пецярбурга ў Мінску сумесна з мемарыяльным музеем "Разначынны Пецярбург". На ей былі прадстаўленыя арыгінальныя прадметы часоў Кастрычніцкай рэвалюцыі з фондаў Мемарыяльнага музея "Разначынны Пецярбург" і Нацыянальнага гістарычнага музея Рэспублікі Беларусь.
Каларыту выставе дадае адноўленая турэмная камера, у якой прадстаўленыя арыгінальныя рэчы са знакамітай мінскай Валадаркі. Дзверы камеры, ложак, кубкі, кайданы... Гэтыя рэчы музею ўдалося здабыць падчас рамонту Валадаркі. У камерах падобнага тыпу адбывалі пакаранні рэвалюцыйныя дзеячы і ў пачатку стагоддзя, і ў гады сталінскага тэрору.
Вось толькі ні Ленін, ні Сталін, шматлікімі партрэтамі якіх аздобленая выстава, у Пішчалаўскім замку не сядзелі. Затое сядзелі там "за палітыку" паўстанцы Каліноўскага, адзін з пачынальнікаў нашай новай літаратуры Вінцэнт Дунін-Марцінкевіч, пісьменнікі Якуб Колас, Алесь Гарун, Карусь Каганец, сябры Беларускай Сацыялістычнай Грамады і іншых рэвалюцыйных партый... А пасля — тысячы беларусаў-ахвяраў сталінскага тэрору, што вырас з дзейнасці "Леніна і паплечнікаў". Але на выставе пра гэта — ані слова.
Оцените статью
1 2 3 4 5Читайте еще
Избранное