У Мінск пачынае лётаць іспанскі лаўкост Vueling
З 2 чэрвеня іспанская бюджэтная авіякампанія Vueling пачынае рэгулярныя рэйсы па маршруце Мінск - Барселона.
Самалеты будуць летаць адзін раз на тыдзень, па нядзелях. З Беларусі можна выляцець а 6-й раніцы, а з Іспаніі — а 1-й ночы. Дарога займае тры з паловай гадзіны.Мінімальны тарыф складае 150 еўра, але недарагія білеты ўжо раскупленыя на ўсе дні, апроч 2 чэрвеня.
Засталіся квіткі толькі па 410 еўра ў адным накірунку. Дарэчы, багаж аплочваецца асобна.
Для параўнання, з "Белавіяй" адляцець з Мінска ў Барселону можна два разы на тыдзень ад 270 еўра ў адным накірунку.
А вось з суседняй Вільні ў аэрапорт непадалеку ад Барселоны ў чэрвені можна даляцець за 120 еўра.
* * *
Vueling — бюджэтная авіякампанія, заснаваная ў 2004 годзе. Другі па велічыні авіяперавозчык Іспаніі. Базуецца ў Барселоне, дадатковыя вузлы знаходзяцца ў Більбаа, Мадрыдзе, Амстэрдаме, Фларэнцыі, Парыжы, Рыме, на Ібіцы і ў іншых гарадах. Самалеты Vueling летаюць па ўсей Еўропе — ад Лісабона да Масквы.
Оцените статью
1 2 3 4 5Читайте еще
Избранное