Саўка ды Грышка спелі пра абяцаную прэзідэнтам зарплату ў 500 долараў

Старыя знаёмцы і ідэйныя апанэнты Саўка ды Грышка абмяркоўваюць чарговыя абяцаньні Аляксандра Лукашэнкі.

Саўка:

Радуйся, Грыша! Пракрасныя весьці:
Скора зарплата пяцьсот, а ня дзьвесьці
Будзет, і эта ня проста базар —
Козіку так прэзідзент прыказаў.

Грышка:

Фаньцікаў новых струменіць рака.
Вернецца крызіс. Ідзі, сустракай!

Саўка:

Крызіс ужэ нікагда не вярнецца.
Все прэзідзенту ўсягда удаецца.
Нада, што б бедаў народ наш ня знаў.
Козіку так прэзідзент прыказаў.

Грышка:

Саўка, наіўныя ўсе да чаго ж вы!
Зьнікне валюта і вырастуць кошты.

Саўка:

Мы — беларусы, мірныя людзі.
Любім мы ўклады ў рублях і ў валюце.
Любім рассрочку і любім крыдзіт.
Так што, Грыгорый, ты тут не трындзі!

Грышка:

Твой Лукашэнка і Козік, і Тозік
Спрытна народ прывучылі да дозы.
Доза — пяцьсот, як бутэлька чарніла,
Памяць і розум, і волю адбіла.