Зьміцер Панкавец, ”Наша нiва”
Рабаўнікі ледзь не пакінулі Піта Паўлава без машыны, гітары і запісаў

Раніцай 19 сьнежня гітарыст гуртоў N.R.M., Garadzkija і Pete Paff Піт Паўлаў, як звычайна, меўся адвесьці ў школу свайго сына Яна-Вінцэнта. Паўлаў заўважыў, што ў ягонай машыне зламаны дзьвярны замок.

«Гэта, канечне, вельмі непрыемна, бо бліжэйшымі днямі зьбіраўся ехаць на канцэрты у Польшчу акурат на гэтай машыне. Цяпер давядзецца аддаць троху грошай на рамонт», — кажа Паўлаў.

На шчасьце, злачынца не пасьпеў скрасьці нічога з машыны, а там была Пітава гітара, шмат кампакт-дыскаў, у тым ліку і з рэпэтыцыйнымі запісамі.

Піт адразу выклікаў міліцэйскую сьледчую групу, якая правяла ўсе патрэбныя мерапрыемствы, але, як кажа Піт, не праявіла ніякага энтузіязму.

Оцени статью:
1
2
3
4
5
Средний балл - 0 (оценок:0)