Пра апатыю, “абрыдлага” Мілінкевіча і чарнуху
Палітычная апатыя ў ЖЖ — рэч досыць старая, яшчэ ад сёлетняе вясны.
Палітычныя навіны
не камэнтуюцца (міліцыя
трымала пастара 6 гадзінаў у багажніку мікрааўтобусу? — ха, і не такое
бачылі). Не, хутчэй, тут дапасоўвае не зададзеныя ўголас пытаньні: “ну й што?”,
“што можна зьмяніць?”, “такая нашая дзяржава… ”. Карацей, песымісты складуюць
гэткія пасты ў мэнтальны куфар сваёй рацыі, а аптымісты зацята чакаюць, што
гэта будзе апошняя навіна. А прыходзяць яшчэ й яшчэ.
Набіла ўжо аскому
чытаць у блёгах, наколькі Мілінкевіч а) абрыдлы, б) нядзейсны, в) безактыўны.
Надалей эпітэты раю пападбіраць самім. Таксама ўжо аксыёмай з’яўляецца тое, што
працаваць трэба толькі з новаю апазыцыяй, моладзьдзю, а не са старымі. І гэта
ведае ўжо й Страсбур, і ўсе грантадаўцы, якія сталі стала запрашаць
прадстаўнікоў моладзевых арганізацыяў на свае пасяджэньні. Мілінкевіч
застаецца, ці надоўга?
Знакавым
з’яўляецца й тое, што ЖЖ не прасьхіляў па датыкальнай новы
тэлекілерскі шэдэўр ад БТ. Ну той, наконт псыхалягічнага стану моладзі,
якая навучаецца ў Польшчы (пры гэтым у якасьці сьцьвярджэньня таго, што
маладзёны сьпіваюцца, быў прыведзены пусты піўны намёт на Пляцу Замковым).
Натуральна, намёт выглядае проста жахліва ў параўнаньні з натоўпамі стэрыльна
п’яных мужыкоў на Сьвіслачы, якія валодаюць дзіўнай уласьцівасьцю: колькі б яны
не пілі, грамадзка-небясьпечнымі не становяцца.
Нават у афляйне
цалкам няглупыя людзі разважалі: “Ну чаму чарнуха? Або правакатары праехалі,
адзьняліся, адпрацавалі свае грошы, або апазыцыя такая дурная”. І чаму ідэя,
што гэта проста чарнуха, нікому не прыходзіць у галаву, а нехта там шукае
нейкую змову? Уся Беларусь працягвае думаць, што ў нас “проста так не содют”.
Содют, содют. І чарнуха застаецца чарнухай, вялікага розуму пад ёй няма.
Справа Маргарыты
Царан, дзеўчыны, якую міліцыянты з Горадні падставілі дзеля паляпшэньня сваіх
паказьнікаў, таксама не прыцягнула ўвагі ў сэньсе камэнтароў. Праўда,
перадрукоўвалі навіну досыць актыўна. Зноў тое ж: “А што мы можам зрабіць?”
Цікавасьці ніякай. Хацелася б, каб такая палітычная апатыя заставалася
сэзоннаю.
Чамусьці са
спазьненьнем, было шмат згадак пра дату пачатку вайны. Увагу (зноўку, маю й
нешматлікіх энтузіастаў, а ня блёгераў) прыцягнулі дзве спасылкі пра так званае
габрэйскае пытаньне, вось ТУТ і ТУТ. Матэрыялы
досыць цікавыя проста для чытва, нават тым людзям, якія ніколі не заглыбляліся
ў такія аддаленыя матэрыі.
Оцените статью
1 2 3 4 5Читайте еще
Избранное