Памёр пісьменнік і заснавальнік брэнда «Крамбамбуля» Леанід Дайнека
21 жніўня адышоў у лепшы свет паэт і празаік Леанід Мартынавіч Дайнека. Яму было 79 гадоў.
Фото Радыё Свабода
Пра гэта паведамляе Саюз беларускіх пісьменнікаў.
Развітанне адбудзецца ў пятніцу ў рытуальнай залі на Альшэўскага. Пра час развітання будзе паведамлена дадаткова.
Леанід Дайнека нарадзіўся 28 студзеня 1940 года ў Змітраўцы (сёння Клічаўскі раён). Скончыў журфак БДУ. Працаваў на віцебскім тэлебачанні, на Беларускім тэлебачанні. У 1972—1989 — адказны сакратар часопіса «Маладосць», з 1989 — загадчык рэдакцыі паэзіі выдавецтва «Мастацкая літаратура».
Леанід Дайнека быў аўтарам кніг «Футбол на замініраваным полі», «Меч князя Вячкі», «След ваўкалака», «Жалезныя жалуды».
З 1993 займаўся прадпрымальніцкай дзейнасцю з сынамі, заснаваў фірмы «Пасад» і «БелПі» (брэнд «Крамбамбуля»).
Оцените статью
1 2 3 4 5Читайте еще
Избранное