Сумная і нечакая вестка прыйшла з Магілёва — памёр малады пісьменнік, перакладчык і літаратуразнаўца Віталь Еўмянькоў, паведамляе Суполка белаорускіх пісьменнікаў. Яму было 46 гадоў.
Віталь Еўмянькоў нарадзіўся 5 чэрвеня 1976-га ў Магілёве, скончыў Магілёўскі дзяржаўны ўніверсітэт імя А. Куляшова, аспірантуру, абараніў кандыдацкую дысертацыю ў галіне філалогіі. Шмат гадоў працаваў выкладчыкам у альмаматэр.
Сферай ягоных навуковых інтарэсаў была славянская літаратура XVII-XIX стст., а таксама асоба і творчасць Адама Міцкевіча.
Выйшлі з друку яго манаграфія, прысвечаная беларускай іпастасі паэта Адама Міцкевіча, і аповесць «Пялёсткі белай ружы», у якой пераствараны сюжэт «Пана Тадэвуша».
Віталь Еўмянькоў займаўся таксама журналісцкай і рэдактарскай дзейнасццю. Прычынай смерці верагодна стала працяглая хвароба.
Оцените статью
1 2 3 4 5Читайте еще
Избранное