Па факце збіцця Артура Фінькевіча заведзена крымінальная справа
Супрацоўнікі міліцыі Першамайскага раёну будуць расследваць напад на актывіста «Маладой Беларусі» паводле артыкулу 206 Крымінальнага кодэксу. Дзеянні злачынцаў, якія ў пятніцу увечары збілі і абрабавалі на парозе свайго дому Артура Фінькевіча, міліцыянты расцэньваюць як рабаўніцтва.
Як паведамляе ”Радыё Рацыя”, пра гэта 20 снежня супрацоўнікі РУУС паведамілі самому Артуру Фінькевічу. У сувязі з гэтым выпадкам у міліцыі заведзена крымінальная справа, а пацярпелы накіраваны на медычную экспертызу.
Нагадаем, ў пятніцу моладзевага актывіста схапілі на гануку дома на вуліцы Парніковай, дзе Артур Фінькевіч здымае кватэру. Яго жорстка збілі і адвезлі ў лес за 25 км пад Валожынам.
— На мяне напалі нейкія людзі, збілі з ног, накінулі на галаву вялікую зімовую шапку і пацягнулі ў мікрааўтобус, -- расказаў “Нашай ніве” Артур Фінькевіч. — Покуль цягнулі, пастаянна збівалі, збіццё працягвалася ў мікрааўтобусе.
Артур кажа, што спрабаваў супраціўляцца, але марна. Паводле яго ацэнак, нападаючых было восем. У яго таксама вывернулі ўсе кішэні, забралі дакументы, гаманец (там было каля 240 тыс.), ключы.
— Усе яны брыдка лаяліся, пастаянна паўтаралі «Ну ўсё табе, п…здзец, хлопча», -- распавядае пацярпелы. — Выкінулі мяне праз тры гадзіны недзе за 25 км у лесе пад Валожынам, ля вёскі Падбярэзь. Я некалькі кіламетраў ішоў да дарогі, покуль не выйшаў на віленскую трасу. Спыніў фуру з літоўскімі нумарамі. Кіроўца – яго звалі Рэмігідзіюш – падабраў мяне і адвёз дахаты – ён жыве ў вёсцы пад Валожынам (12 км)». Ягоная жонка выклікала валожынскае таксі, якім Артур даехаў да Мінску.
Оцените статью
1 2 3 4 5Читайте еще
Избранное