Карбалевіч: Ці не рыхтуюць у Маскве для Беларусі кітайскую плошчу Тяньаньмэнь узору 1989 году?
Палітолаг Валер Карбалевіч пракаментаваў заявы кіраўніка Службы знешняй выведкі Расіі Сяргеяй Нарышкіна, які «выкрыў» змову спэцслужб ЗША супраць Беларусі.
– Вельмі падобна, што гэта ідэалягічная, інфармацыйная падрыхтоўка да нейкіх жорсткіх захадаў супраць пратэстуючага народу, – піша Карбалевіч. – Ці не рыхтуюць у Маскве для Беларусі кітайскую плошчу Тяньаньмэ́нь узору 1989 году?
Таксама, паводле Нарышкіна, у змове супраць Беларусі ўдзельнічае каталіцкая царква. Гэта цікавы паварот. Дасюль палітычныя рэпрэсіі насілі кропкавы характар, тычыліся асобных людзей ці эканамічных суб’ектаў.
А цяпер рыхтуецца адкрыць агонь па плошчам, калі зьнішчаюцца цэлыя пласты, слаі, эканамічныя галіны, цэлыя гарызантальныя сеткі? Гэта партыі (Лукашэнка загадаў перарэгістраваць партыі), ІТ-сэктр. Вось каталіцкая царква.
Вельмі злавесна выглядае намаляваны Нарышкіным наступны сюжэт: «Сярод па-экстрэмісцку настроеных праціўнікаў уладаў Беларусі, якія хаваюцца за мяжой, выношваецца плян рэзананснай правакацыі: арышт, раненьне або нават забойства аднаго з аўтарытэтных сьвятароў».
Калі ідзецца пра арышт, то навошта беларускім уладам удзельнічаць у правакацыі, арганізаванай з-за мяжы? А пра забойства… Ведаеце, пасьля гісторыі з Навальным усяго можна чакаць.
Оцените статью
1 2 3 4 5Читайте еще
Избранное