Ганна Севярынец адказвае Лазуткіну: «Прывітанне дарослым»

Настаўнiца адрэагавала на паведамленне ў тэлеграм-канале Мінадукацыі i адказала супрацоўніку ведамства.

– Андрэй! Нарэшце дабралася я і да твайго эсэ, дасланага мне праз афіцыйны тэлеграм-канал Міністэрства, – пiша Ганна Севярынец. – Папрасі, калі ласка, дарослых наступным разам перасылаць мне твае работы праз пошту, бо вас у мяне шмат, і я магу заблытацца, правяраючы шчэ і тэлеграм-канал. Тым не менш эсэ тваё прачытала ўважліва.

Как Минобразования отреагировало на открытое письмо учителей, предложивших аттестовать школьников

Андрэй! Зноў тая самая праблема: тэма не раскрытая. Я прасіла адказаць на пытанне «як будуць атэстоўвацца школьнікі», а ты напісаў лірычную прозу на тэму «Настаўнікі ў адлюстраванні апазіцыйных СМІ». Лайфхак: каб не збівацца з тэмы, шукай ключавыя словы ў пачатковым тэксце і будуй свой адказ, выкарыстоўваючы іх у кожным абзацы.

Па-другое, Андрэй. Перачытай яшчэ раз параграф «Функцыянальныя стылі мовы». У афіцыйна-дзелавым стылі не выкарыстоўваюцца словы кшталту «переобуться в прыжке» или «разгонять тезис». Парада: не пішы афіцыйных тэкстаў мовай, якой ты размаўляеш з сябрамі.

Па-трэцяе. Вельмі заўважная беднасць запасу ветлівых фармулёвак, Андрэй. Гэты тэкст можна было б пачаць словамі «Мы падзяляем заклапочанасць настаўнікаў», альбо «Усё нашыя намаганні скіраваныя на тое, каб дзеці авалодвалі ведамі» і гэтак далей. Запішы, калі ласка, тры радкі гэтых фармулёвак у сшытак, каб запомніць.

Па дробязях: шмат таўталогіі. Вучыся падбіраць сінонімы. Што такое сінонімы – паглядзі самастойна ў гугле.

Так што, на жаль, Андрэй, пакуль неатэстацыя. Прывітанне дарослым. Спасылкі на відэаўрокі дашлю ў прыват. Твая А.К.

Оцени статью:
1
2
3
4
5
Средний балл - 4.9 (оценок:130)