Будзьма дызайнерамі, стварайма якасныя і прыгожыя рэчы разам!
Грамадская культурніцкая кампанія «Будзьма беларусамі!» абвяшчае конкурс эскізаў на нацыянальна арыентаваную тэматыку.
Для каго? Для аматараў і прафесіяналаў, для ўсіх, хто неабыякавы да ўласнай культуры і хоча праявіць сябе!
У чым сэнс конкурсу?
Мы шукаем цікавыя, крэатыўныя і сучасныя ідэі, накіды, малюнкі і эскізы, якія б вы хацелі бачыць на майках, торбах, кубках, нататніках і інш.
Мы даём шырокі прастор вашай фантазіі (падзеі, асобы з гісторыі і міфалогіі, арнаменты і ўсё, што, на вашу думку, звязанае з Беларуссю, у тым ліку проста смешныя выявы і надпісы).
Кветачкі і мімішныя малюнкі таксама прымаюцца. Галоўнае – крэатыў, бо мы шукаем тое, чаго яшчэ не было!
Конкурс стартаваў 23 траўня і будзе праходзіць у некалькі этапаў.
1 этап
Дасылайце запоўненую заяўку ўдзельніка і малюнак або некалькі ў фармаце PNG або JPEG (максімальны памер – 5MB) да 23:59 10 чэрвеня на скрынку adv.budzma@gmail.com з пазнакай «Конкурс дызайну». Да разгляду прымаецца максімум пяць малюнкаў.
Заяўка мусіць змяшчаць наступныя пункты:
- Імя, прозвішча,
- Узрост,
- Род дзейнасці (месца працы, вучобы),
- Назвы і кароткае апісанне дызайнаў (па жаданні),
- Тэлефон, e-mail.
2 этап
Журы робіць папярэдні адбор дызайнаў. Праца журы неабходная найперш для таго, каб адабраць самыя вартыя з дасланых прац, бо мы чакаем іх ад, як ад пачаткоўцаў, гэтак і ад прафесіяналаў.
На сайце budzma.by і на старонках кампаніі ў сацыяльных сетках гэтыя дызайны будуць выстаўленыя на галасаванне.
Дызайны, якія набяруць найбольшую колькасць інтэрнэт-галасоў, і стануць пераможцамі. Такім чынам, пераможцы будуць абраныя праз «народнае» галасаванне.
3 этап
Супольная праца пераможцаў з прафесійнымі дызайнерамі і прадстаўнікамі кампаніі «Будзьма беларусамі!» па адаптацыі малюнка пад прынт для нанясення на візуальную прадукцыю.
Што ў выніку
Найлепшыя малюнкі-пераможцы будуць рэалізаваныя ў выглядзе прынтоў на цішотках, торбах, кубках ды іншай візуальнай прадукцыі. Аўтары-пераможцы атрымаюць узнагароды.
Стварайма якасныя і прыгожыя рэчы разам!
Оцените статью
1 2 3 4 5Читайте еще
Избранное