Блёгасфэра пра нацыянальную свядомасьць, продаж Velcom і адсутнасьць грошай
“Каб лішні раз даведацца пра ўзровень нацыянальнай самасьвядомасьці беларусаў (а па вялікім рахунку пра ўзровень глупства), раю наведаць музычную краму ў падземным пераходзе да гандлёвага цэнтру "Сталіца". Музычныя кружэлкі ў ёй дзеляцца на вельмі паказальныя катэгорыі: «белорусские», «отечественные», «зарубежные исполнители».
Адразу карціць запытацца: а дзе што шукаць?! Аднак, узірнуўшыся больш
пільна, усё становіцца на свае месцы. Напрыклад, робіцца зразумелым, што
"айчынны" — гэта ні ў якім разе не беларускі, бо там выключна
расейскія выканаўцы! Спачатку хочацца абурыцца, але потым бярэ рогат зь
неверагоднай тупасьці пэрсаналу. Вось цікава, а ўсенародна “каханы” Дзіма Калдун патрапіў у першую ці ў другую
катэгорыю? А можа ўвогуле ў "зарубежные исполнители", бо "не по-нашему" ж сьпявае!”
Гэта допіс soft-tiger
(дарэчы, аўтар ёсьць рэкардзмэнам ЖЖ па трапных назіраньнях за беларускай
рэчаіснасьцю) нагадаў мне, што ў самым буйным беларускім анляйн — партале па
продажы кніг Oz.by Васіль Быкаў таксама фігуруе
ў разьдзеле “Русская
классическая литература”.
Заўважыў гэта не толькі я — допіс на ЖЖ victorgr справакаваў на гэтую
тэму вялізэрную дыскусію. Атрымалася нешта накшталт калектыўнага розуму: кожны
з блёгераў пачаў пісаць пра падобныя ляпы, якія ён хаця калісьці бачыў.
А вось “каматозныя” ўспаміны
наўгародца аб Горадні. Перагукваюцца з тэматам вышэй. І каб разьняволіцца,
вельмі раю падарожныя нататкі пана
Харэўскага (увогуле, падарожныя нататкі становяцца вельмі папулярнымі ў
анляйн — журналістыцы).
Тое, што беларускае грамадзтва хворае на каланіяльныя комплексы, вядома
больш-менш усім. “Лапку” сваю тут прыклала й БТ, і выхаваньне новых пакаленьняў
у духу, што беларусы ніколі нічога не рабілі акрамя як з “братняю Русьсю”. Але
й адсутнасьць інфармацыі грае вельмі вялікую ролю. Калі хто атрымоўвае заробак
крыху большы за сярэдні па краіне, ці лічыць, што дзяржава падтрымлівае яго
такім ці іншым чынам, ня будзе замінаць у справы, лічачы, што ён (яна) вінныя
дзяржаве. Вось, напрыклад, як атрымоўцы прэзыдэнцкіх стыпендыяў. Наўрад ці шмат
хто зь іх будзе задавацца пытаньнем, а ці можа быць больш? Яны проста прымаюць
яе як дадзенае. А стыпендысты, што навучаюцца за мяжой, шчэ мусяць і падатак на
сваю стыпендыю сплочваць: маўляў, яна вышэй за нацыянальныя стыпендыі. Вось і
атрымоўваецца, што няма падставы беларускія стыпендыі падвышаць. Дый грошай ужо таксама няма…
Нягледзячы на тое, што камэнтуючы продаж “Вэлкаму”, адмыслоўцы не імкнуліся
зьнітоўваць гэты факт з неабходнасьцю павяртаньня запазычанасьцяў за газ, трэба
зьврянуць увагу на тое, што за апошні месяц было спраданых дзяржаўных
прадпрыемстваў больш, чым за ўсе сем год ХХІ стагодзьдзя ў Беларусі. За капейкі
пайшоў “Мотавэла”. Спрадалі “Вэлкам”, і неяк дзіўна праз два дні закрылі павіну
за газ. Праданая “Рэмвылічтэхніка”. Хто наступны?
Оцените статью
1 2 3 4 5Читайте еще
Избранное