Без камэнтароў. З шэрагам актораў «Калыханкі» не працягнулі кантракты

Адну зь іх суд караў за ўдзел у пратэстах, паведамляе Радыё Свабода.

Зь дзіцячай тэлепраграмы «Калыханка» звольнілі актораў Алену Гіронак, Сяргея Жбанкова, Эмілію Пранскуце і Вераніку Пляшкевіч. Зь імі не працягнулі кантракты.

Паводле акторкі Эміліі Пранскуце, на тэлебачаньні патлумачылі, што кантракты не працягнулі, бо мяняецца канцэпцыя перадачы. Кантракты з акторамі былі да 1 красавіка.

Пакуль у «Калыханцы» ідуць праграмы, якія былі запісаныя загадзя з удзелам звольненых. Акторы пакуль устрымаліся ад камэнтароў.

Раней адна са звольненых — акторка Алена Гіронак, выканаўца галоўнай ролі ў фільме «Купала», расказала Свабодзе пра сваё жорсткае затрыманьне падчас маршу 26 кастрычніка. Пасьля другога затрыманьня яе ў сьнежні мінулага году аштрафавалі.

Оцени статью:
1
2
3
4
5
Средний балл - 1.8 (оценок:5)