«Зараз абмяркоўваецца ідэя міжнароднага трыбуналу па Беларусі»

Абнародаваньне інфармацыі аб плянах КДБ Беларусі забіць палітычных эмігрантаў — ці зробіць гэта Лукашэнку і яго паплечнікаў тэрарыстамі ў вачах Захаду? Вось што адзначыў экспэрт міжнароднай ініцыятывы iSANS Аляксандар Марозаў у каментары для Свабоды.

Фота baj.by

Такая інфармацыя не зьяўляецца нечым нечаканым для грамадзкай думкі Эўропы. Леташняя брутальнасьць беларускіх сілавікоў вярнула Эўропу да ўспамінаў пра перасьлед беларускіх апазыцыянэраў у мінулым.

Зараз абмяркоўваецца ідэя міжнароднага трыбуналу па Беларусі.

У Цэнтральнай Эўропе няма сумневаў, што лукашэнкаўскі КДБ мог плянаваць і ажыцьцяўляць падобныя крокі.

Расьсьледаваньне справы Шарамета павінна атрымаць зараз новы імпульс.

У вачах Эўропы ўтвараецца альянс садыстаў і атручвальнікаў з расейскіх і беларускіх спэцслужбаў. Тут узьнікае кваліфікацыя «дзяржаўны тэрарызм».

Справа Скрыпалёў прывяла да кардынальнай зьмены стаўленьня ў Эўропе да пуцінскага рэжыму, гэта наступная фаза пасьля Данбасу.

2016 год, калі быў забіты Шарамет — гэта зусім іншы кантэкст у Беларусі, чым у 2012 годзе.

2012 год — гэта пік рэпрэсіяў пасьля выбараў 2010 году. Натуральна дапусьціць, што тады беларускія спэцслужбы маглі абмяркоўваць розныя варыянты рэпрэсіяў супраць апазыцыі, у тым ліку і за мяжой.

2016 год быў хіба ня самым шчасьлівым у жыцьці Лукашэнкі, ён мірыўся з Захадам і захоўваў добрыя стасункі з Усходам. Нікога забіваць ён у гэты момант не плянаваў.

«По Шеремету нужно сработать. Сделаем закладку какую-то, чтоб эту крысу, б***ь, ни рук ни ног не соберут»

Оцени статью:
1
2
3
4
5
Средний балл - 4.7 (оценок:59)