Замежная запазычанасць дасягнула 25,6 млрд USD

Гэта значыць, што да канца года яна можа перасягнуць 27 ці нават 28 млрд USD.

Калі быць дакладнымі, валавая замежная пазыка Беларусі на 1 кастрычніка 2010 года дасягнула 25,5933 млрд USD. Яна павялічылася на 3,533 млрд USD (16,0%) з пачатку года.

Прычым рост паскорыўся ў трэцім квартале, каля велічыня сумарнай запазычанасці вырасла на 2,4223 млрд USD (10,5%) пасля росту на 0,9275 млрд USD (4,2%) у другім і на 0,1832 млрд USD (0,8%) у першым квартале.

Паводле ацэнак МВФ у канцы года замежная запазычанасць дасягне рэкорднай лічбы ў 52% ад валавога ўнутранага прадукта.

Такі бурны рост выкліканы тым, што Беларусь апошнія гады жыве не па сродках. Дэфіцыт бягучага рахунку дасягнуў 14% ад ВУП. Гэта значыць, што сёлета краіна імпартуе тавараў і паслуг на 8 мільярдаў даляраў больш, чым экспартуе. Розніца кампенсуецца ў тым ліку запазычваннямі.

Варта адзначыць, што пачынаючы ад 2011 і, асабліва, 2012 гадоў рэзка вырастуць плацяжы па працэнтах, якія набягаюць на замежныя крэдыты.