Общество
Андрэй Елісееў, «Наша Ніва»

Як выбарчыя камісіі на ўсходзе Беларусі «забыліся» на працоўных мігрантаў

Дзівосы электаральнай статыстыкі на выбарах.

Большасць беларусаў традыцыйна бярэ ўдзел у прэзідэнцкіх выбарах. Яўка на выбарах высокая шмат у чым па прычыне датэрміновага галасавання, у якім адміністрацыйнымі метадамі прымушаюць паўдзельнічаць ці не палову выбаршчыкаў.

Яўка на прэзідэнцкіх выбарах 2015 года афіцыйна склала 87,2%. Сама па сабе гэта вельмі высокая лічба. Нашмат большая, чым у суседніх з намі і больш далёкіх краінах.

Паказчык яўкі яшчэ больш здзіўляе, калі паглядзець на яе не па краіне ў цэлым, а па асобных рэгіёнах.

Калі верыць афіцыйным зьвесткам, то ў некаторых раёнах краіны яўка на прэзідэнцкіх выбарах 2015 года склала больш за 99%! Прыкладна ў палове раёнаў Беларусі не прагаласавала на выбарах-2015 нібыта менш за 1000 выбаршчыкаў.

Самыя надзвычайныя прыклады — гэта Чэрыкаўскі раён Магілёўскай вобласці і Бешанковіцкі раён Віцебскай вобласці. У апошнім у 2015 годзе нібыта не прагаласавала толькі 99 з 12 546 выбаршчыкаў. А ў Чэрыкаўскім раёне ў выбарах, паводле афіцыйнай статыстыкі, не ўзялі ўдзел толькі 84 чалавекі з 10 108 выбаршчыкаў!

Афіцыйная статыстыка: колькасць выбаршчыкаў, якiя не прагаласаваў на выбарах 2015 года па раёнах Беларусі (без уліку абласных і пяці іншых буйных гарадоў).

Як відаць на карце, самая надзвычайная (раёны, афарбаваныя ў чырвоны колер) і вельмі высокая (жоўты колер) яўка нібыта назіралася звычайна ва ўсходняй частцы краіны.

Праблема з такімі шалёнымі лічбамі яўкі ў тым, што многія жыхары ўсходняй часткі Беларусі перыядычна знаходзяцца на заробках, у асноўным у Расіі. Большасць з іх працягвае лічыцца выбаршчыкамі па сваім пастаянным месцы жыхарства, а ў рэальнасці на перыяд выбараў знаходзіцца за межамі краіны.

Па некаторых раёнах колькасць працоўных мігрантаў можа складаць некалькі працэнтаў працаздольнага насельніцтва. Возьмем прыніжаную лічбу: дапусцім, 1% працаздольнага насельніцтва Чэрыкаўшчыны на момант выбараў, у пачатку кастрычніка 2015 года, знаходзіліся альбо ў Расіі ў якасці працоўных мігрантаў альбо па любой прычыне ў іншай краіне, застаючыся зарэгістраванымі ў якасці выбаршчыкаў па чэрыкаўскім адрасе.

Адзін працэнт ад 10 108 выбаршчыкаў складае каля 100 чалавек. Нават такі прыкладны разлік ставіць пад сумнеў, што з усяго раёна не прагаласавалі ўсяго 84 выбаршчыкі. Атрымліваецца, што акрамя выбаршчыкаў, якія ў рэальнасці на момант выбараў не знаходзіліся па сваім месцы жыхарства, гаворка пойдзе пра яўку ў 100%, калі не больш.

Такім чынам, улічваючы маштабы эміграцыі з Беларусі і працоўнай міграцыі жыхароў усходніх рэгіёнаў Беларусі, лічбы яўкі ў 98—99% па многіх раёнах краіны (Лёзненскі, Слаўгарадскі, Краснапольскі і многія іншыя) выглядаюць фантастычна.

Оцените статью

1 2 3 4 5

Средний балл 0(0)

Читайте еще

Предновогодний Минск: красно-зеленая игрушка-танк и синий Дед Мороз без лица

Конвейер репрессий. Политзаключенного Плескацевича перевели с «химии» в Бобруйскую колонию. Силовики задержали 60-летнюю жительницу Фаниполя. Правозащитники: фиксируются факты применения пыток при расследовании политических дел

Памёр Вітаўт Кіпель

Белоруска из Гданьска: «Даже мысленно не подхожу к границе – ни на секунду не хочу испытывать всепоглощающее чувство страха»

Кнырович: «Трудно рассчитывать на адекватное отношение к самой бесправной категории населения — осужденным, если и к тем, кто «на свободе», оно не отличается гуманностью»

Конвейер репрессий. Зампрокурора собирается обжаловать приговор экс-политзаключенному Илье Миронову. Дело «рельсового партизана» Виталия Мельника, которому при задержании прострелили колени, рассмотрят в закрытом суде