Як сталіцам «Дажынак» стаць турыстычнымі цэнтрамі

Свята ўраджаю аднаўляе гарадскія вуліцы, фарбуе платы, забрукоўвае пліткай плошчы. Але як яны будуць выглядаць гадоў праз пяць? Пра фінансавыя ін’екцыі на перспектыву ды мажлівасці «Дажынак» прывабліваць турыстаў — спецыяліст па PR і брэндынгу Аляксей Чубат.

Калі ўся беларуская сістэма ў рэжыме аўрала, прыцягнуўшы велізарныя сродкі, пачынае кропкава аднаўляць горад, зразумела, вынік будзе. А ле ў што ператворацца фарбаваныя сцены праз пяць год, калі не будзе чарговых фінансавых ін’екцый? Улічваючы, што ў Беларусі больш за 100 гарадоў, «Дажынкі» маюць адбыцца ў кожным хіба што раз на стагоддзе — то бок, адно маштабнае ўліванне сродкаў на 3-4 пакаленні.

Вялізарныя сродкі, якія выдзяляюцца на свята, варта выкарыстоўваць на перспектыву.

Як «Купалле» можа зарабіць на сваё ўтрыманне?

Маладзечна — другі па велічыні горад Мінскай вобласці асвоіў, як кажуць афіцыйныя СМІ, на падрыхтоўку і правядзенне свята ў 2011 годзе 500 млрд рублёў — у 50 разоў болей за бюджэты першых дажыначных гарадоў (Столін, Масты). Гэта бачна і па аб’ектах: выбітны Лядовы палац, наноў разбіты парк, новая сцэнічная пляцоўка ў парку, якая выглядае як аб’ект сучаснага мастацтва. Не кажучы ўжо пра адноўленыя дамы, вуліцы.

Паставілі і тры новыя помнікі: «Прыезжая», «Купалле» і «Глашатай».

Працяг тут.