Салiдарнасць: Верым, што лепшы час надыдзе, і ўсе мы будзем разам, з яснымі думкамі і энергіяй на іх ажыццяўленне

2023-ці быў вельмі цяжкі ва ўсіх сэнсах, ён прынёс шмат страт і мала добрага Беларусі і свету. Усё, што асабіста нас падтрымлівала, гэта непахісная вера ў будучыя перамены, сіла і стойкасць тысяч людзей, праца дзеля ўсяго, што можна зрабіць сёння ў імя заўтра, і вялізная салідарнасць беларусаў і сяброў Беларусі ва ўсіх канцах зямлі.

Мы стараліся сумленна аддаваць сябе сваёй прафесійнай місіі, пісаць важныя тэксты і размаўляць з самымі рознымі героямі, гісторыi якіх хацелася б распаўсюдзіць як мага шырэй. Дзякуй ім і вам, усім, каму не ўсё роўна.

Верым, што лепшы час надыдзе, і ўсе мы будзем разам, з яснымі думкамі і энергіяй на іх ажыццяўленне.

А сёння – добрага Новага года вам і вашым блізкім, здароўя і паболей добрых навін у 2024-м.

З павагай, каманда «Салідарнасці»