Саладуха сказаў, што ў байцы з Пагоняю паедзе ў Сочы
Тэлеканал belsat.eu падараваў Аляксандру Саладуху байку з гербам Пагоня пасля таго, як спявак сказаў, што не носіць рэчы з беларускай сімволікай, бо іх у яго няма.
Аляксандр Антонавіч сустрэў журналістаў у Менску ў той самай куртцы з расейскім гербам, якая выклікала дыскусію ў сацыяльных сетках.
– Я не разумею, чаму?, – усміхаецца спявак.
Наш падарунак – байка з Пагоняй яму спадабаўся, але апрануць яе адразу спявак адмовіўся. Па-першае, на вуліцы халодна і здымаць цёплую куртку яму не хацелася.
– Ну і я спачатку памераю ўдома, перад люстэркам, – сказаў ён.
Усміхаючыся, распавёў журналістам, што 16 лістапада збярэ КЗ Менск. А потым – выступы ў Санкт-Пецярбургу і Сочы. Паабяцаў, што ў Сочы паедзе з байкай з Пагоняй і апране яе на рэпетыцыю.
– На канцэрт не, для канцэрту – касцюмы, – сказаў Аляксандр Саладуха.
Оцените статью
1 2 3 4 5Избранное