Распачата кампанія па збору сродкаў на аплату штрафаў графіцістаў
Фігуранты справы звярнуліся па дапамогу да «Арт Сядзібы».
Фігурнаты справы графіцістаў звярнуліся да грамадскай ініцыятывы «Арт-сядзіба» з просьбай дапамагчы арганізаваць збор сродкаў на аплату штрафаў.
Нагадаем, што фігуранты «справы графіцістаў» судом Фрунзенскага раёна Мінска былі пакараныя штрафамі: Вячаслаў Касінераў — на 30, Максім Пякарскі — на 40, Вадзім Жаромскі — на 50 базавых велічынь.
Маладых людзей прызналі вінаватымі толькі ў пашкоджаньні маёмасьці, злоснага хуліганства ў іх дзеяннях не выяўлена.
Вердыкт суда абвясціла суддзя Ала Скуратовіч.
«Арт-сядзіба» адгукнулася на просьбу і прапанавал некалькі спосабаў дапамогі:
1. Набыць цішотку з малюнкам «Беларусь мае быць беларускай». Аўтарам прынта з’яўляецца Максім Пякарскі. На малюнку за перакрэсленым сярпом і молатам — крыжы Курапатаў, а за перакрэсленай свастыкай — званы Хатыні.
Кошт цішоткі будзе 300 000 рублёў, увесь прыбытак пойдзе на аплату штрафаў, падкрэсліваецца на сайце ініцыятывы.
Каб замовіць цішотку, трэба:
— выбраць патрэбны мужчынскі ці жаночы памер у табліцы тут,
— даслаць заяўку з пазнакай «Беларусь мае быць беларускай» на e-mail: artsiadziba@gmail.com (у заяўцы напішыце імя і прозвішча, тэлефон, мужчынскі ці жаночы памер, колькасць, а для адпраўкі поштаю накладзеным плацяжом — паштовы адрас).
2. Ахвяраваць грошы:
— зрабіць дабрачынны ўнёсак на рахунак «Арт Сядзібы» ў любым банку Беларусі, бланк з рэквізітамі тут;
— перадаць грошы праз офіс «Арт Сядзібы»: Мінск, пр-т Незалежнасці, д. 58, оф. 430 (ст. м. «Плошча Якуба Коласа», 4 паверх Маскоўска-Венскага ГЦ);
— пералічыць любую суму карткай праз плацёжную сістэму «PayPal».
Аплаціць штраф «графіцісты» павінны цягам месяца. Пасля чаго будзе зробленая публічная справаздача за сабраныя ў межах акцыі сродкі.
Оцените статью
1 2 3 4 5Читайте еще
Избранное