Общество

Памятную шыльду Ларысе Геніюш па ўказцы ідэолага адвезлі ў пастарунак

У Зэльве, на доме, у якім жыла Ларыса Геніюш, мясцовыя ўлады знялі памятную шыльду паэтцы, усталяваную да яе 100-годздзя. Да высвятлення абставін, шыльда будзе знаходзіцца ў Зэльвенскім РАУС.

Як паведамляе «Радыё Свабода», шыльда была ўсталяваная на доме, дзе жыла Ларыса Геніюш. Адкрыць памятную дошку планавалася 7 жніўня з нагоды сотых угодкаў народзінаў паэткі.

Аднак нечакана шыльда знікла з будынка. Як паведаміў начальнік службы прафілактыкі Валерый Парфенчык, зараз яна знаходзіцца ў Зэльвенскім РАУС. Паводле яго слоў, сігнал у міліцыю паступіў ад начальніка аддзелу ідэалогіі райвыканкаму Юрыя Кулікова. Цяпер улады маюць намер "даць прававую ацэнку" несанкцыянаванаму усталяванню.

Оцените статью

1 2 3 4 5

Средний балл 0(0)