«На мяне аказваецца псіхалагічны ціск»
Уладальнік Dankoff Club (казіно, рэстаран, спа-цэнтр, стрыптыз-клуб) ужо пяць месяцаў знаходзіцца пад арыштам.
Сям'я Юрыя Данькова. Фота Святаслава Зоркага
Расследаванне крымінальнай справы супраць яго працягнутае да 22 лютага. Юрыя Данькова падазраюць яго ў тым, што з 2006 ягоны клуб быў, фактычна, шырмай, а ў рэальнасці гэта быў публічны дом. Сям'я ў такое верыць не хоча. «Наша Ніва» пагаварыла з жонкай бізнэсоўцы Наталляй. Пасля арышту мужа яна ўзначаліла сямейную справу.
— Хочуць бізнэс забраць, і я гэта адчуваю, бо мяне прэсуюць.
— Якім чынам?
— Не даюць працаваць: замучалі праверкамі.
— На сёння казіно працуе?
— Не. Працуюць толькі салон, стрыптыз, дыскатэка. Казіно з верасня зачынена. Немагчыма было працаваць праз праверкі. І так было, што правяраючых правяралі іншыя правяраючыя. Некалькі камісій.
— Бачыліся з мужам?
— Маёй сям’і спатканні з ім не даюць.
— Праз адвакатаў толькі сувязь?
— Так. Але адвакаты не ўсё расказваюць, бо баяцца страціць ліцэнзіі — усё надта нядобра.
— Абвінавачванне яму не змянілі?
— Справа ў тым, што яму інкрымінуецца асабліва цяжкае злачынства.
— Вас таксама дапытвалі?
— Не. Я не праходжу па справе. Моцны псіхалагічны ціск на мяне аказваецца з боку незразумелых людзей. Мне па начах тэлефануюць, пытаюцца, ці займаюся я бізнэсам з аўтамабілямі «Бэнтлі», ці прадаю котак...
— Але Вы не збіраецеся спыняць бізнэс, распрадаваць?
— Не збіраюся. Мая задача — захаваць яго. За сябе трэба змагацца, за бізнэс, якому Юрый Пятровіч прысвяціў 20 гадоў. Гэта вялікі тэрмін. Гэта і здароўе, і радасці, і гора — усяляк бывае ў бізнэсе. І таго, у чым яго абвінавачваюць, няма.
Шматдзетны бацька
Юрый Данькоў — бацька чацвярых дзяцей: траіх дачок і сына. Старэйшая, Юлія, вучыцца ва ўніверсітэце ў Вялікабрытаніі на пластычнага хірурга. Насця летась скончыла гімназію і паступіла ў юрыдычны каледж БДУ. Георгій і Еўфрасіння навучаюцца ў адной са сталічных гімназій.
Юрыя Данькова затрымалі 4 верасня . З гэтага часу ён знаходзіцца пад вартай. У канцы жніўня затрымалі мастацкага кіраўніка і адміністратара Dankoff Club. Справу завялі спачатку на іх, а ўжо праз тыдзень арыштавалі і ўладальніка клуба. Пагражае ім ад сямі да дзесяці гадоў турмы з канфіскацыяй маёмасці.
Оцените статью
1 2 3 4 5Читайте еще
Избранное