«Ім проста трэба было знайсці крайняга»
Пасля трэцяга судовага паседжання па справе аб арганізацыі маўклівых акцый у Мазыры Міхаіла Караткевіча ўсё-ткі аштрафавалі на 3 базавыя велічыні. Малады чалавек кажа, што невінаваты, і мае намер абскардзіць свой прысуд.
Суд па справе карыстальніка сацыяльнай сеткі «Вконтакте» быў адкладзены два разы. У нечым гэта заслуга адваката, бо, як мяркуе Міхаіл, прымаць рашэнне адразу збаяліся.– Сведкі выступалі толькі на першым паседжанні, на другім пасля прамовы адваката было вырашана перанесці агучванне прысуда на іншы дзень. І вось на трэцім паседжанні ўсе-ткі аштрафавалі. Суд усе ж палічыў мяне вінаватым у арганізацыі акцый. У тым, што парушыў правілы арганізацыі масавых мерапрыемстваў, не падаючы заяўкі на іх правядзенне. Ім трэба было знайсці крайняга, вось яны і знайшлі, – распавёў «Салідарнасці» Караткевіч.
У той жа час Міхаіл мае цверды намер абскардзіць рашэнне суду, бо сваей віны не прызнае і хоча дамагчыся праўды.
– Малады чалавек размесціў запіс на сваей асабістай старонцы ў сацыяльнай сетцы, нікога нікуды не заклікаў і не з’яўляецца арганізатарам. Прычым запіс ён зрабіў ужо пасля пачатку акцый маўклівага пратэсту. Адпаведна, як ён мог быць арганізатарам? Такія запісы ў сетцы ёсць у тысячы чалавек, –адзначыў праваабаронца Уладзімір Целяпун у каментары «БелаПАН».
Оцените статью
1 2 3 4 5Читайте еще
Избранное