«ГУБАЗіК і КДБ адкрываюць для сябе беларускую класіку»

Як стала вядома, пракуратура Мінска прызнала экстрэмісцкімі  вершы «Плынуць вятры» і «Гутарка старога дзеда». Акрамя таго, прыкметы «экстрэмізму» знайшлі і ў прадмове да кнігі абраных твораў Вінцэнта Дуніна-Марцінкевіча. Абодва творы былі напісаны і выдадзены падчас паўстання Кастуся Каліноўскага і падтрымалі яго барацьбу супраць каланізатараў.

Гэтая навіна выклікала бурнае абмеркаванне. Каментатары звяртаць увагу на абсурд, які творыць беларускі рэжым і цытуюць вершы іншых класікаў, якія таксама могуць прыйсціся недаспадобы ўладам.

Вось што пішуць у сацсетках на гэты конт.

Зміцер Панкевец, журналіст:

ГУБАЗіК і КДБ адкрываюць для сябе беларускую класіку. Два вершы Дуніна-Марцінкевіча прызнаныя экстрэмісцкімі, а што будзе, калі яны Якуба Коласа яшчэ пачытаюць:

Я — мужык, а гонар маю,

Гнуся, але да пары.

Я маўчу, маўчу, трываю,

Але скора загукаю:

«Стрэльбы, хлопчыкі, бяры!»

(Мужык. Якуб Колас)

Тэлеграм-канал Реальная Беларусь:

— Когда в Беларуси выступили с инициативой судить мертвых, наверное, никто не предполагал, что в эту категорию будут включать поэтов ХІХ века, которые боролись против российской империи. 

Насколько же примитивный, лживый и антинациональный режим воцарился в Беларуси… 

Эй скажэце, добры людзі,

Што ужо на сьвеце будзе,

Ці то так судзіў Бог з намі

Гінуць век пад маскалямі?

Аляксандр Пашкевіч, гісторык:

— Нейкая нерашучасць і паўмеры. «Гутарку старога дзеда» «экстрэмісцкай» прызналі, а «Пінская шляхта», выходзіць, і надалей будзе беспакарана кідаць цень на ацечаственнае правасудзіе?

Аляксандр Фрыдман, палітолаг:

— Удивляет политическая близорукость властей Беларуси. Как можно было признать «экстремистскими» произведения Винцента Дунина-Марцинкевича, но не обратить внимание на творчество Адама Мицкевича? Того самого Мицкевича, который перед смертью пытался организовать польский и еврейский легионы в составе французской армии – для борьбы против России в «Крымской войне».

Сабралі і іншыя меркаванні:

«Трэба і Купалу адмяняць. Як гэта "ня быць скотам"?!»

«Ну цяпер мы ведаем што нейкія пракуроры чыталі добрую літаратуру».

«Прага ведаў і знаёмства з класічнай літаратурай у пракуратуры Мінска – пахвальна, але...».

«Значыць, добрыя вершы, трэба чытаць».

«Акупацыйная адміністрацыя».