Скандалы

BYPOL: Мы сарвалі тэракт, у адказ абвінавацілі нас

Ініцыятыва былых беларускіх сілавікоў пракамэнтавала па просьбе Свабоды заяву МУС, у якой гаворыцца пра прадухіленьне тэрактаў, сьляды якіх нібыта вядуць у BYPOL.

— Мы сарвалi пляны ўладаў па ажыцьцяўленьню тэракта. У адказ у яго падрыхтоўцы абвiнавацiлi нас. Галоўнае, што мы захавалi жыцьцi людзей, — пракамэнтавалі паведамленьне МУС у ініцыятыве BYPOL.

24 сакавіка BYPOL заявіў, што атрымаў інфармацыю аб падрыхтоўцы ўладамі тэракту, які дазволіць абгрунтаваць увядзеньне надзвычайнага становішча.

Па інфармацыі крыніц BYPOL, 25 сакавіка ў рамках пляну па дыскрэдытацыі пратэстнага руху і яго поўнай ліквідацыі сілы Камітэта дзяржаўнай бясьпекі рыхтавалі тэрарыстычны акт у адным з будынкаў органаў унутраных спраў. У КДБ ня сталі камэнтаваць гэтую заяву.

Оцените статью

1 2 3 4 5

Средний балл 5(42)