Блёгасфэра пра Дзяніса Дзянісава і “Эўрапэйскі марш”
Усе выходныя беларуская блёгасфэра была захопленая працягам гісторыі зь Дзянісам Дзянісавым. І хаця асноўная падстава зьнікла яшчэ ў пятніцу, людзі працягвалі абмяркоўваць наступствы яе для дэмакратычнага руху.
Але напачатку пра “Эўрапэйскі марш”. У
гэты раз з’явілася няшмат фотарэпартажаў: большасьць блёгераў, што выкладалі
здымкі з такіх акцыяў, знаходзілася на Блёгкэмпе
ў Кіеве — першым буйным блёгерскім зборы ва Ўсходняе Эўропе. І тым ня меней, на
Pozirk.org аператыўна ў
той жа дзень з’явіўся фотарэпартаж
ад czalex. У тым допісу
пазначана багата спасылак на іншыя фотарэпартажы ды абмеркаваньні.
Дарэчы, той жа самы czalex перад пачаткам Маршу
аспрэчваў у сваім ЖЖ мэты акцыі. Маўляў, Эўропа ня ёсьць дапомна найлепшым
выйсьцем для Беларусі, і таму на Марш трэба ісьці зусім зь іншае нагоды. У нас
гэтае меркаваньне асаблівага рэзанансу не знайшло, але па перадрукоўцы яго праз
Global
Voices Online з’явілася шмат ухваленчых камэнтароў: маўляў, меркаваньне,
што Эўропа ёсьць дапомным цудам — гэта міт, якога трэба як мага хутчэй
пазбаўляцца. Так выказваліся збольшага замежнікі.
А зараз да Дзяніса Дзянісава. Пералічваць
усе спасылкі, якія ўтрымліваюць гэтае словаспалучэньне, наўрад ці варта. Але
асабліва мяне зачапілі вось якія:
"Не разумею,
чаму збор грошаў для апазыцыянэра прыцягае болей увагі, чым збор грошаў для
хворага дзіцяці ", — піша яшчэ адзін блёгер. Пытаньне пакінутае без адказу.
Хаця кампанія Томы Лісіцкай па набыцьцю падарункаў для хворых дзяцей ў
анкадыспансэры паказала, што людзі ў нас могуць зарганізавацца. Галоўнае — даць
мэту.
“Мярзотнік — ён і ёсьць
мярзотнік, не зважаючы на яго мову”, — піша яшчэ адзін блёгер. Яго словамі,
рэакцыя на допіс petra-leleka
паказвае
ступень здароўя нашага грамадзтва: людзі адасоблівалі адзін выпадак
ад усяго грамадзянскага руху, не робячы абагульненьняў. Што, у прынцыпе, ужо
адрозьнівае ўдзельнікаў дыскусыі ад натоўпу.
Такая тэма затуліла нават выступ нашага
“ўсенародна абранага” на ТБ, дзе ён, не паварушыўшы павекам прызнаўся, што “сам
загадаў выкінуць са школькнай праграмы пісьменьнікаў-нацыяналістаў”. Дзіўнае такое
прызнаньне. Раней для ППРБ была болей уласьцівай пазыцыя адмежаваньня, калі ён
сачыў за рэакцыяй грамадзтва на яго “ініцыятывы”. Адмоўная — зьняць чыноўніка,
які быў “бліжэй да справы” ды абвясьціць усяму сьвету, што гэта “пралікі на
месцах”; станоўчае — падкруціць яшчэ шрубкі. А тут нешта такім стаў
балбатлівым.
Блёгасфэра становіцца сапраўдным зрэзам
грамадзтва. А калі яшчэ Белтэлекам прыватызуюць…Хаця, шчыра кажу, не магу даць
веры ў шпаркую дэманапалізацыю. І грошай хочацца, але ўлада схлынае праз
пальцы… Што рабіць? Можна ж прыватызаваць, а манаполію на наземныя каналы
сувязі пакінуць за нейкай адзінкай былога Белтэлекама. А калі спрадаць —
пакінуць у моцы “залатую акцыю”. Хаця зь іншага боку, а хто тады купіць?
Цяжка быць прэзыдэнтам…
Оцените статью
1 2 3 4 5Читайте еще
Избранное