Благасфэра пра лепшыя гарады ў Беларусі
Блогер siarhiejsalas апублікаваў у сябе ў ЖЧ спасылку на рэйтынг местаў Беларусі паводле якасьці жыцьця, складзены эканамістам Зьмітром Бабіцкім. На першым месцы апынулася Заслаўе, Менск трапіў на ганаровае другое. Абласныя цэнтры таксама адшукаліся тамака: у першай палове я знайшоў Бярэсьце й Гародню. Магілёў ды Віцебск трапіліліся на вочы напрыканцы сьпісу, які замыкаўся Гомлем. Але самае цікавае — гэта прысутнасьць тамака такіх маленькіх мястэчкаў, як Жабінка, Вузда, Стоўпцы, Ляхавічы, Ветка.... Славуты на ўвесь сьвет Бабруйск ды родны Барысаў аўтара допісу апынуліся ніжэй за трыццатае месца.
Справа карысная:
калі міжнародныя мэдыі складаюць рэйтынгі месцаў паводле якасьці жыцьця, то
незразумела, чаму б Беларусі такога не зрабіць для сябе. Праўда, для іншаземцаў
тут існуе толькі адзін горад, Менск, і гэта пакідае пэўны адбітак на саміх
менчукох: яны, як і аўтар гэтага тэксту, збольшага няшмат ведаюць пра рэшту
Беларусі, на вялікі жаль. Але пытаньне, чаму ў рэйтынг трапілі, прыкладам,
Жабінка зь Ляхавічамі, задавалі ня толькі менчукі, але й людзі з іншых мястэчак.
Гэта СА Смалявічамі ды з Заслаўем болей-меней зразумела: месьцяцца блізу
сталіцы, жыхары могуць дазволіць сабе вандраваць штодня на працу ў Менск.
Вельмі па-эўрапэйску. Але што ў верхняй дваццаццы робіць, прыкладам, Ветка —
мястэчка ў Гомельскай вобласьці, не зусім зразумела.
Ініцыятары стварэньня Партыі свабоды й
прагрэсу выклалі заклік да інтэрнаўтаў стацца
сустваральнікамі ПСП на суполцы minsk_by. Рух вельмі
лягічны, прымаючы пад улік аўдыторыю камьюніці ды ўсё большы распаўсюд
Інтэрнэту ў краіне, але ў сваім родзе першы: раней заклікаў далучацца да
ініцыятыўных групаў па стварэньні нейкіх грамадзкіх аб’яднаньняў у беларускай
благасфэры не было асабліва чуваць. Хаця пры гэтым на тым самым Захадзе
сеціўныя сацыяльныя сэрвісы й блогі ўжо даўно зьяўляюцца першым асяродзьдзем
для піяру падобных пачынаў. Але ці разьлічвалі аўтары посту на падобную негатыўную
рэакцыю — яшчэ пытаньне. Бальшыня камэнтатараў палічыла стварэньне новае партыі
папросту блазанствам, ня вартым увагі: маўляў, ад партыяў у беларускім
палітычным жыцьці ўсё адно плёну замала. Праўда, адмоўны піяр — таксама піяр,
але камэнтары пад постам яскрава дэманструюць поўны недавер беларусаў да
палітычных аб’яднаньнях. Чаму — прашу да
першакрыніцы.
Прыблізна такую самую рэакцыю напаткаў допіс пра акцыю
анархістаў на дзень барадзьбы з паліцэйскай сваволяй: блогеры амаль
адзінагалосна палічылі яе дзяцінствам, ня вартым увагі. Нікуды не падзеліся й
стэрэатыпныя камэнтары пра шкоду падобных акцыяў для легендарнае чысьціні
Менску. А вось у пытаньне паводзінаў міліцыі, чаго гэтая акцыя ўласна й
датычыла, удзельнікі абмеркаваньня неяк не сталі заглыбляцца.
Оцените статью
1 2 3 4 5Читайте еще
Избранное