Анатоль Лябедзька — на свабодзе; яго зьбівалі супрацоўнікі КДБ
Лідэр Аб’яднанай грамадзянскай партыі Анатоль Лябедзька паведаміў нашаму радыё, што а 12-й гадзіне ў сераду ён быў затрыманы людзьмі ў цывільным — супрацоўнікамі КДБ.
Лябедзьку пачалі зьбіваць, надзеўшы яму наручнікі і нацягнуўшы на галаву куртку. Нападнікі пасадзілі Лябедзьку ў ягоную машыну і працягвалі там біць.
Затым палітыка адвезьлі ў КДБ. Анатоль Лябедзька расказаў, што, калі ён сядзеў у пакоі сьледчага, яму зноў надзелі наручнікі, а тады пачалі біць. Паводле Лябедзькі, самі супрацоўнікі КДБ адвезьлі яго пасьля гэтага ў наркалягічную бальніцу — там у палітыка ўзялі пробы Рапапорта, каб праверыць, ці спажываў ён алькаголь, а таксама зрабілі аналіз крыві.
Як расказаў у інтэрвію нашаму радыё Анатоль Лябедзька, у КДБ сьледчы паведаміў, што ў адносінах да палітыка заведзена справа па абвінавачаньні ў тэрарызьме. Аднак, паводле Лябедзькі, супрацоўнікаў КДБ цікавілі найперш ягоныя замежныя паездкі — у прыватнасьці, у Грузію і ў Літву.
Лябедзьку пачалі дапытваць толькі а 6-й гадзіне вечара. А 23-й гадзіне палітыка адвезьлі ў мікрараён Курасоўшчына, дзе выкінулі з машыны са словамі: “Вы чалавек разумны, вы павінны зрабіць правільныя высновы. Спадзяемся, што вам усё зразумела”. З Курасоўшчыны Лябедзька сам дабіраўся дадому.
Оцените статью
1 2 3 4 5Читайте еще
Избранное