Общество

Аксана Колб, Новы час

Жонка палітвязня: «Мне ўвесь час сняцца сны, што ён ужо дома»

Нават не верыцца, што гэтая прыгожая дзяўчына столькі вытрымала за апошнія пяць месяцаў.

Наталля расказвае пра свайго Віцю — і яе вочы свецяцца. «Гэта ўсё даецца нам не проста так, і мы абавязкова справімся, — кажа дзяўчына. — У нас яшчэ ўсё жыццё будзе наперадзе».

Наталля — жонка палітвязня Віктара Барушкі, якому 30 сакавіка спаўняецца 33 гады. Віктара брутальна затрымалі 18 кастрычніка ля велазавода. Амапавец збіў яго з ног — і, падаючы, Віктар зламаў нагу другому амапаўцу.

І, хоць у судзе не прагучала аніводнага доказу віны Віктара, Марына Запаснік прысудзіла Барушку 5 гадоў узмоцненага рэжыму за нібыта «наўмыснае прычыненне цяжкага цялеснага пашкоджання ў дачыненні да асобы ў сувязі з ажыццяўленнем ёй службовай дзейнасці».

Калі Віктар расказваў на судзе пра тое, што з ім было пасля затрымання, плакалі ўсе, хто знаходзіўся ў зале. У бацькі падсуднага вырваўся вокліч болю. Як вытрымала гэта Наталля, цяжка сказаць.

Перад судом на нервовай глебе ў яе пачаліся спазмы цагліц. Ніякія лекі не дапамагалі. І толькі праца з псіхолагам хоць троху дала сілы. А яшчэ — каханне. Каханне і сёння дае ёй моц вытрымаць усё і дачакацца свайго Віцю.

Цалкам артыкул чытайце тут

Оцените статью

1 2 3 4 5

Средний балл 4.7(12)