Коктейль
Кася Вітушэвіч

Хто складзе канкурэнцыю беларусцы на «Міс Свету–2011»? (фота)

Удзельніцы «Міс Свету – 2011» прыбылі ў Лондан. Беларуска Анастасія Харланава ўжо зараз прызнаецца ў сваім блогу: не шкадуе, што паехала. Гомельская прыгажуня мае ўсе шанцы атрымаць тытул найпрыгажэйшай дзяўчыны свету. А каго адправілі на конкурс нашыя суседзі?

Прадстаўніца Беларусі, якая вядзе свій блог на БЕЛТА, навучаецца на пятым курсе машынабудаўнічага факультэту ў Гомелі. Анастасія кажа, што вучыцца цікава і складана, аднак яна мае намер працягваць навучанне ў магістратуры. У адрозненне ад канкурэнтак, на Радзіме яна атрымала толькі статус другой віцэ-міс у «Міс Беларусь–2010». Хоць досведу ўдзелу на міжнародным узроўні гомельская дзяўчыне не стае, яна яшчэ са школы высоўвае сваю кандыдатуру ў лакальных конкурсах , ¬– пішуць «Гомельские ведомости». Наша суайчынніца лічыць сябе адкрытым чалавекам ды любіць знаеміцца. Яна марыць заснаваць калі-небудзь дабрачынны фонд дапамогі дзецям, хворым на рак крыві.

Харэограф Яраслава Кур’яча будзе прадстаўляць на конкурсе Украіну. 19-цігадовая прыгажуня кажа пра сябе, што працавітая, добрая ды мэтанакіраваная, а таксама лічыць, што не трэба спыняцца на дасягнутым, – паведамляе афіцыйны сайт конкурсу. 11 верасня яна была абраная міс Украіна–2011. Дзяўчына атрымала карону з рук вядомых у гламурным свеце Ксеніі Сабчак ды Пэрыс Хілтан.

Студэнтка факультэту міжнародных адносін Наталля Ганцімурава будзе прадстаўляць Расію. Расійская прыгажуня адзначаецца сваім ростам – 181 см, любіць індзі-рок, абажае мяса, а ў вольны час катаецца на сноўбордзе.

Амбіцыйная, паводле ўласнага прызнання, Ангеліка Наталія Огрыжэк з Польшчы таксама накіравалася на сусветны конкурс прыгажосці. Студэнтка права са Шчэціна з’яўляецца прыхільніцай здаровага харчавання, захапляецца дэтэктывамі, і раней удзельнічала ў нацыянальных чэмпіянатах па плаванні.

21-гадовая Іева Гервінскайтэ – прадстаўніца Літвы на гэтым свяце прыгажосці. Дзяўчына сёлета заканчвае вучобу ва ўніверсітэце ды плянуе распачаць прафесійную кар’еру ў галіне права. Іева грае на акардыене, абажае чытаць аўтабіяграфіі і ніколі ні аб чым не шкадуе.

І, нарэшце, прадстаўніца Латвіі Аліса Мішковска мае ступень бакалаўра ў галіне спартовага мэнэджмэнту, спажывае толькі здаровую ежу і мае пэўныя поспехі ў коўзанні на ільдзе. Аліса таксама прызналася, што мае здольнасці да працы з дзецьмі.

Оцените статью

1 2 3 4 5

Средний балл 0(0)