Віцебскія прадпрымальнікі пад аблвыканкамам скандавалі «Работу!» і «Адмена!»

На перамовы з уладамі пайшлі прадстаўнікі рынкаў і аргкамітэту па стварэньні прафсаюзу. Прадстаўніка «Пэрспэктывы» не дапусьцілі.

Пад віцебскім аблвыканкамам 22 сьнежня адбываецца сход прадпрымальнікаў. Прадпрымальнікі а 13-й гадзіне сабраліся ў гандлёвым цэнтры «Эвіком», па выніках сходу вырашылі пайсьці да аблвыканкаму, каб патрабаваць скасаваньня ўказу № 222.

Да некалькіх соцень прадпрымальнікаў на ганак выканкаму выйшаў начальнік абласнога дэпартамэнту па разьвіцьці прадпрымальніцтва, які спрабаваў растлумачыць, што пытаньні ўказу № 222 рашаюцца ня ў Віцебску, а на вышэйшым узроўні. Але пусьціў прадпрымальнікаў на перамовы зь мясцовымі ўладамі.

Такі адказ не задаволіў прадпрымальнікаў, яны не разыходзяцца і чакаюць вынікаў перамоваў. Яны скандуюць «Работу!» і «Адмена!».

На перамовы ў аблвыканкам зайшлі чацьвёра прадстаўнікоў прадпрымальнікаў з розных рынкаў, у іх ліку старшыня аргкамітэту па стварэньні прафсаюзу прадпрымальнікаў «Разам» Ірына Ляшкевіч.

На сходзе ў Ляшкевіч адбыўся канфлікт з прадстаўніком рэспубліканскага аб’яднаньня «Пэрспэктыва» Анатолем Шапавалавым — яна заявіла, што ня стане весьці перамовы ў аблвыканкаме, калі на іх трапіць Шапавалаў. У выніку Ляшкевіч пайшла на перамовы — Шапавалаў застаўся на ганку.

Акрамя таго, віцебскія прадпрымальнікі чакаюць, каб да іх выйшаў старшыня аблвыканкаму ці прынамсі яго намесьнік — маўляў, у розных гарадах чыноўнікі сустракаліся з народам, у Віцебску ж ігнаруюць людзей. Перамовы вядуцца на ўзроўні падатковай інспэкцыі.

У Віцебску, як і па ўсёй краіне, ад пачатку 2016 году большая частка прадпрымальнікаў ня выйшла на працу ў сувязі з указам № 222. Як кажа Анатоль Шапавалаў, рынкі пустуюць прыблізна на 85%.

Оцените статью

1 2 3 4 5

Средний балл 0(0)

Читайте еще

Конвейер репрессий. В Беларуси плюс 20 новых политзаключенных, среди них — семья Ливянтов и Андрей Дмитриев. «Преподавательская деятельность не может быть основанием для уголовных обвинений»: суд над Валерией Костюговой и Татьяной Кузиной

Конвейер репрессий. На волю вышел бард Андрей Мельников. Облава в Лепеле — силовики наведались домой как минимум к шести гражданам

Конвейер репрессий. Что известно о «фанипольском деле» за события 2020 года. За участие в протестах минчанину дали два года колонии (дополняется)

В России молоко начинают продавать в килограммах и вынудили сменить дизайн белорусской сгущенки

Конвейер репрессий. В Гомеле задержаны вокалист группы «Бан Жвірба» и его супруга. Массовые задержания в Фаниполе. В Барановичах за членом ОГП приехали 10 силовиков с оружием

Конвейер репрессий. В Орше задержана зоозащитница Елена Мирошниченко. В «террористический список» добавили еще восьмерых белорусов. Адвоката Виталия Брагинца приговорили к 8 годам колонии усиленного режима