Веганка і цырульніца для сабак: хто стаў «Міс Мінск-2018»

У нядзелю выбралі галоўную прыгажуню Мінска.

Ёю стала Анжаліка Скамарох — 29-гадовая мінчанка. Цяпер у яе ёсць восьмы айфон, кантракт з мадэльным агенцтвам і пуцёўка на конкурс «Міс Еўразія», які пройдзе ў Турцыі.

Мы пацікавіліся, хто такая Анжаліка Скамарох.

Анжаліка працуе страхавым агентам у «Белрасстраху». Але апошнім часам дзяўчына пачала асвойваць новую прафесію. Яна вучыцца грумінгу, прасцей кажучы, майстэрству стрыгчы сабак.

Акрамя таго, Анжаліка — веганка. Яна выступае за здаровы і актыўны лад жыцця.

Яшчэ сярод захапленняў дзяўчыны — кінезіялогія. Гэта галіна альтэрнатыўнай медыцыны, якая завязаная на псіхасаматыцы. Кінезіялогія сцвярджае, што ўсе клеткі чалавека запісваюць інфармацыю пра яго з моманту зачацця.

Таксама «Міс Мінск» займаецца вытворчасцю лялек-матанак. Яна кажа, што стварае лялек як абярэгі і нібыта праводзіць лялькатэрапію.