«Узамен на датэрмiновае вызваленне ад мяне патрабуюць пакаяння...»
Вядомы ваўкавыскi прадпрымальнiк Мiкалай Аўтуховiч, асуджаны на 3,5 года быццам бы за нявыплату падаткаў, перадаў лiст на волю, у якiм паведамляе, што хутчэй за ўсё амнiстыя яму “не пагражае”. Прадпрымальнiк паведамляе, што адчувае сябе нармальна, да гэтага часу не адчувае за сабой вiну i добраахвотна аплачваць iск не мае намеру.
“Па законе iск не можа паўплываць на замену рэжыму па ўмоўна-датэрмiновыму выхадзе на свабоду, — пiша Мiкалай Аўтуховiч. — Але ў любым выпадку сваiх поглядаў я не змяню i не зламаюся. Акрамя таго, буду дабiвацца таго, каб маю справу расследавала незалежная камiсiя, можа, нават камiсiя ААН”.
Мiкалай дадае, што ў турму яму прыходзiць вельмi шмат лiстоў са словамi падтрымкi. Восенню мiнiстр унутраных спраў паабяцаў амнiстыю, а 8 верасня прадпрымальнiк адбудзе роўна палову свайго тэрмiну зняволення.
“Я магу падаць заяву на камiсiю па УДА, — дадае спадар Аўтуховiч. — I мне абяцалi датэрмiновае вызваленне. Але запатрабавалi, каб я публiчна прызнаўся, што вiнаваты. Гэтага я нiколi не зраблю, бо я нiчога не парушаў. Таму цi мае сэнс пiсаць заяву на датэрмiновае вызваленне, нават i не ведаю”.
Оцените статью
1 2 3 4 5Читайте еще
Избранное