Усаў: Што павінна пазбавіць ілюзій жадаючых вярнуцца ў Беларусь

Палітолаг Павел Усаў – пра стварэнне міжведамаснай камісіі, якая будзе вырашаць, каго з беларусаў, якія з’ехалі, рэжым гатовы пусціць у краіну.

– Раптоўна Лукашэнка ўзняў тэму апазіцыі, сёньняшняй палітычнай сітуацыі ў Беларусі.

Чарговы раз было ўзнятае пытанне рэінтэграцыі праціўнікаў (шэраговых актывістаў) у сістэму, але на жорсткіх умовах, – піша Усаў. – Быў нават прадстаўлены шлях «вяртання».

а) пакаянне;

в) маральная і псіхалагічная перабудова асабовасьці;

с) татальны надзор і дзейнасць на карысць сістэмы.

Адмыслова будуць створаны фільтры, фабрыка па перафарматаваньню асобы ў лепшых традыцыях таталітарнай еўгенікі. Будзе сфарміравана нейкая камісія, куды ўвойдуць прапагандысты і чыноўнікі. Лічыце інквізіцыя. Грыша Азаронак магчыма будзе прызначаны яе кіраўніком.

Але!!!

Давайце паразважаем над тым, як гэта будзе выглядаць, што павінна пазбавіць ілюзій жадаючых вярнуцца ў Беларусь.

Па-першае, ніякага закону, дэкрэту пра амністыю няма. Усе, хто вяртаюцца, патэнцыйна мэты для затрымання і арышту ўжо на мяжы.

Па-другое, няма ніякага дзяржаўнага воргану, структуры з шырокімі паўнамоцтвамі, з якім можна «кантактаваць» акрамя клеркаў з ГУБАЗіКу ці КДБ, і які можа даць гарантыі для спакойнага вяртання да дому.

Па-трэцяе, працэдура пакаяння не дае ніякіх гарантый спакойнага жыцця. Менавіта камісія Грышы будзе вырашаць, пакараць, ці памілаваць чалавека выключна сыходзячы з уласных жаданняў і капрызаў, нельга выключаць маральнага і фінансавага шантажу.

На сеньняшні момант няма прыкладу чалавечага вяртання пратэстоўцаў, актывістаў да папярэдняга жыцця і не будзе.

Па-чацвёртае, ключавым механізмам уздзеяння на чалавека будзе маральна-псіхалагічнае яго прыніжэньне: даптаньне бел-чырвона-белага сцягу, цалаваньне партрэту Лукашэнкі і ўсе гэта з запісамі на відэа.

Нездарма асноўнымі тэзісамі лукашэнкаўскага «працэсу вяртання» будзе не хрысціянскі канцэпт вяртання «блуднага сыну», а інквізітарскі – цалаванне крыжу на вогнішчы.

Лукашэнка разумее, што вярнуць прыхільнасць грамадзян не магчыма, і што трэба зламіць іх індывідуальнасць, псіхічную і маральную цэласнасць.

Лукашэнка не збіраецца ісці на міравую, а толькі дацісканьне. Але, улады адчуваюць узрастаючую стомленасьць беларусаў як за мяжой, так і ўнутры краіны і намагаюцца гэта выкарыстаць, але ізнову па-дубоваму, так як дзейнічалі ў перыяд кавіду.

Таксама, улады разумеюць, што адбываецца вымыванне спецыялістаў з Беларусі і ў будучым можа стварыць праблемы для сістэмы.

Нягледзячы на падаўленне грамадства, Лукашэнка імкнецца перабудаваць сацыяльную базу пратэсту будучага, (паглыбленне крызісу, параза Расеі ў вайне), пасіянарыяў трэба альбо цалкам нейтралізаваць, альбо перарабіць псіхалагічна, зрабіць часткай сістэмы.

Оцените статью

1 2 3 4 5

Средний балл 5(20)