«Улада пачуццяў», Бах, Бетховен, НанаМастацтва і яшчэ 12 імпрэзаў «Тыдняў Германіі 2020» у Мінску
«Тыдні Германіі» пад патранажам Пасольства Федэратыўнай Рэспублікі Германія ў Беларусі адбываюцца ў нашай краіне ўжо 17 год. Селета яны пройдуць увесну (пачатак ужо 10 сакавіка), а не восенню, як раней.
Мінская праграма тыдняў уключае 17 пунктаў, сярод якіх найбольш прыцягваюць увагу:
- унікальная выстава «Шляхі нямецкага мастацтва», што ўключае ў сябе каля 400 твораў больш за 100 нямецкіх аўтараў за перыяд з 1949 г. да сëнняшняга часу;
- араторыя «Страсці па Мацвею» Іагана Себасцьяна Баха 21 сакавіка ў Беларускай дзяржаўнай філармоніі;
- выстава «NanoArt from Germany» («НанаMастацтва з Германіі»), якая адлюстроўвае неверагоднае асяроддзе нанакосмасу. На фотаздымках, створаных у лабараторыях Цэнтра нанаінтэграцыі ўніверсітэта Дуйсбурга – Эсэна (CENIDE), ажываюць нябачныя няўзброеным вокам структура і хаос узораў атамаў у маштабе нанаметра;
- выстава «Лагер смерці Трасцянец. Гісторыя і памяць», якая заклікана аддаць даніну памяці ахвярам Трасцянца і адначасова паказаць, якім чынам і дзе ў Беларусі, Германіі, Аўстрыі і Чэхіі захоўваецца памяць аб загінулых;
- вечары нямецкага кароткаметражнага кіно SHORT EXPORT 2020;
- выстава плакатаў «Улада пачуццяў», што адлюстроўвае як статыку, так і пераломы ў пачуццях, якія фармавалі мінулыя сто гадоў і сваёй інтэнсіўнасцю да сёння кідаюць выклік палітыцы і грамадству;
- фестываль Beethoven Anniversary Tour, прымеркаваны да 250-годдзя знакамітага кампазітара.
Пра дакладныя час і месцы гэтых ды іншых імпрэзаў «Тыдняў Германіі 2020» можна даведацца тут.
«Тыдні Германіі» праводзяцца Пасольствам Федэратыўнай Рэспублікі Германія сумесна з Інстытутам імя Гётэ ў Мінску, прадстаўнікамі нямецкіх культурных арганізацый у супрацоўніцтве з беларускімі ўстановамі і партнёрамі.
Оцените статью
1 2 3 4 5Читайте еще
Избранное