У Віцебску праймерыз апазіцыі сабралі аншлаг
Перамогу атрымаў Павел Севярынец.
Усе фота Сяргея Гудзіліна, nn.by
7 сакавіка ў Віцебску прайшло чарговае галасаванне па абранні адзінага кандыдата ад апазіцыі. Як паведамляе «Наша Ніва», віцебскія праймерыз прайшлі з аншлагам. У канферэнц-зале гатэля «Лучоса» сабралася больш за сто чалавек. Для параўнання: у Гарадку днём раней было ўсяго восем чалавек.
У галасаванні прынялі ўдзел 101 чалавек. Яшчэ трынаццаць чалавек зарэгістраваліся на мерапрыемства, але вырашылі не галасаваць.
У выніку галасы размеркаваліся наступным чынам:
Павел Севярынец — 66 галасоў
Юрась Губарэвіч — 15
Мікалай Казлоў — 15
Аляксей Янукевіч — 4
Несапраўдны бюлетэнь — 1.
Вольга Кавалькова — 0.
Оцените статью
1 2 3 4 5Читайте еще
Избранное