У сымбаля Варшавы твар дзяўчыны з беларускага Палесся

Натуршчыцай скульптуры, якую ў 1939 годзе ўстанавілі на беразе Віслы, была ўраджэнка вёскі Мазуркі пад Баранавічамі.

У сымбаля польскай сталіцы, славутай варшаўскай русалкі, твар дзяўчыны зь беларускага Палесься. Натуршчыцай скульптуры, якую ў 1939 годзе ўстанавілі на беразе Віслы, была ўраджэнка вескі Мазуркі пад Баранавічамі, Крысьціна Кагельская.

Крысьціна Кагельская нарадзілася ў 1914 годзе ў сям’і памешчыкаў. Маці Яніна была біелагам і доктарам філасофіі, бацька Ян – інжынэрам, з 1926-га быў палескім ваяводам. Дзед удзельнічаў у паўстанні Каліноўскага і быў за гэта высланы ў Сібір.

Пасля заканчэньня гімназіі імя Рамуальда Траўгута ў Берасьці Крысьціна вывучала геаргарафію й этнаграфію ў Варшаўскім унівэрсытэце. Пісала вершы, кампанавала музыку і сама спявала свае песні. У яе рэпэртуары было шмат беларускіх народных песняў, якія яна выконвала ў эфіры Польскага радые ў Вільні і Варшаве.

У палове 1930-х маладую студэнтку і паэтку заўважыла скульптар Людвіка Нітшова, якая прапанавала ей пазаваць падчас стварэньня сымбалю Варшавы.

Дарэчы, гэтая скульптура была адзіным помнікам, які ацалеў у сталіцы пасля Варшаўскага паўстання ўдзельніцай якога была і Крысьціна Кагельская. Яна загінула 2 жніўня 1944 году, на другі дзень паўстання. Яе іменем названая адна з варшаўскіх школ.

Оцените статью

1 2 3 4 5

Средний балл 0(0)