У Мінску актывісты расклеілі плакаты супраць размяшчэння ў Беларусі расійскай вайсковай базы
Акцыя прайшла ў суботу, 3 кастрычніка.
3 кастрычніка актывісты зарэгістраванага ў Латвіі грамадскага аб'яднання «Альтэрнатыва» зладзілі ў Мінску расклейку плакатаў у абарону беларускай незалежнасці і супраць размяшчэння на тэрыторыі краіны чарговай расійскай вайсковай базы.
Пра гэта на сваёй старонцы ў facebook паведаміў лідар аб’яднання Алег Корбан.
Нагадаем, што ў верасні гэтага года прэзідэн Расіі Уладзімір Пуцін загадаў падпісаць пагадненне пра стварэнне на тэрыторыі Беларусі расійскай вайсковай базы.
Паводле інфармацыі расійскіх СМІ, база можа пачаць функцыянаваць у Бабруйску ўжо са студзеня наступнага года.
У сацсетках сярод беларускіх карыстальнікаў навіна пра размяшчэнне расійскай базы на тэрыторыі Беларусі выклікала хвалю абурэння. За адзін дзень у Твітары хэштэг #noRussianBaseinBelarus выйшаў на другое месца ў краіне.
Супраць размяшчэння расійскай базы ў Беларусі выступае беларуская апазіцыя.
Оцените статью
1 2 3 4 5Читайте еще
Избранное