Сямімесячнае дзіця выратавала ад гвалтоўнай смерці свайго бацьку-таксіста

У нядзелю двое маладзечанцаў звязалі 27-гадовага таксіста, хацелі яго задушыць, але даведаўшыся, што ў таго малое дзіця, зжаліліся і адпусцілі.

У ноч на 28 красавіка таксіст стаяў на прывакзальнай плошчы і чакаў сваіх кліентаў. У 00.30 да яго падышлі два маладзены і папрасілі падвезці да вескі Лебедзева. Таксіст адразу назваў свой кошт – 100 тысяч рублеў, але ў выніку хлопцы старгаваліся на 85 тысяч.

Таксіст пагадзіўся, усе селі і паехалі. На месцы ж аказалася, што грошай у іх няма. Маладыя людзі збілі яго, звязалі і забралі 200 тысяч рублеў ды залаты пярсценак. Пачалі душыць кіроўцу, а той стаў жаліцца, што яго сямімесячнае дзіця застанецца сіратой.

Адзін са зладзеяў зжаліўся. Таксіста развязалі і высадзілі ў раене вескі Маркава. Самі ж зладзеі паехалі далей на яго машыне.

У 3.30 кіроўца дабраўся да міліцыі.

ДАІ ўвяло план “Перахоп” і ў 4.30 маладзенаў затрымалі. Аднаму з іх 28 гадоў, а другому – 23 гады.

Цяпер узбуджаная крымінальная справа па артыкуле “Рабаванне”.

Пра здарэнне расказаў намеснік начальніка маладзечанскага раеннага аддзела следчага камітэта Сяргей Вайтовіч.