«Страшны чалавек» Бакіеў у Мінску? (фотафакт)

На радзіме Джаныбека Бакіева, брата зрынутага прэзідэнта, вінавацяць у масавых забойствах.

У пятнiцу ў цэнтры сталіцы, на вуліцы Маркса, дзе месціцца будынак Адміністрацыі прэзідэнта, быў заўважаны чалавек, падобны да Джаныбека Бакіева, брата зрынутага прэзідэнта Кыргызстана.

Яго фота апублікаваў на сваім акаўнце ў Фэйсбуку Міхась Пашкевіч. Як адзначыў аўтар фота, гэты чалавек у суправаджэнні землякоў шпацыраваў недалёка ад кавярні «Грунвальд». Яго спадарожнікам не падабалася, што іх фатаграфуюць.

Курманбек (другі злева) і Джаныбек (трэці) Бакіевы ў часе красавіцкіх падзей 2010-га

Прысутнасць Джаныбека ў Беларусі аспрэчвалася яго братам і не пацвярджалася на афіцыйным узроўні. Дзейны прэзідэнт Кыргызстана Алмазбек Атанбаеў назваў Джаныбека «страшным чалавекам».

Паводле яго словаў, менавіта Джаныбек падчас красавіцкіх падзей 2010-га кіраваў расстрэлам дэманстрантаў, прычым даў снайперам загад цаляць у галаву і ў грудзі.

У красавіку 2010 года ў Кыргызстане адбыўся дзяржаўны пераварот. Падчас штурму будынка ўрада ў Бішкеку і далейшых беспарадкаў загінулі каля 90 чалавек і 1,5 тысячы былі параненыя. На той момант прэзідэнт Бакіеў, яго брат Жаныш (Джаныбек), які ўзначальваў Службу дзяржаховы краіны і старэйшы сын Марат збеглі з краіны. На радзіме яны былі завочна абвінавачаныя ў масавым забойстве, звязаным з перавышэннем службовых паўнамоцтваў, і аб’яўленыя ў міжнародны вышук.

Курманбек Бакіеў прыбыў у Беларусь 19 красавіка 2010 года паводле запрашэння Аляксандра Лукашэнкі.

Генпракуратура Кыргызстана двойчы звярталася ў Генпракуратуру Беларусі з запытам пра выдачу Бакіева і двойчы атрымала адмову.

17 кастрычніка 2011 года старшыня Дзяржкамітэта нацбяспекі Кыргызстана Кенешбек Душабаеў, адказваючы на пытанні дэпутатаў парламента, паведаміў, што Курманбек Бакіеў атрымаў у Беларусі палітычны прытулак. МУС Беларусі не раскрывае статус Бакіева.

Тое, што ў Беларусі знаходзіцца і Джаныбек, афіцыйна не пацвярджалася.

Оцените статью

1 2 3 4 5

Средний балл 0(0)

Читайте еще

Дневник войны, глава 39. «Украинец украинцу всегда подставит плечо. Даже если это плечо ранено»

Конвейер репрессий. Задержан бывший администратор дворового чата Александр Захожий. Правозащитница Татьяна Ласица на свободе (дополняется)

Конвейер репрессий. За участие в маршах задержали 19-летнюю олимпиадницу. Сотрудника Академии наук отправили на «сутки». Лукашенко — об амнистии: «Никакого торга не будет»

Кнырович: «Сложно представить, что россиянин сможет спрятаться в более-менее приличном месте в Могилеве, Бресте или Минске»

Конвейер репрессий. Силовики задержали учителя частной минской школы и пастора. «Хапун» на Гродненщине. Правозащитницу Насту Лойко опять отправили на 15 суток. Госпропаганда набросилась на Onliner

Беларус з Кембрыджа: «Не бачу нічога, што мне перашкодзіць стаць міністрам у новай Беларусі»