Шакуючыя кадры з Новай Баравой: «Невядомы ў трэніках дастае пісталет і на вачах дзіцяці б'е мужа нагой у жывот»

Вечарам людзі ў спартовым адзенні збівалі там людзей проста ля сваіх дамоў і махалі зброяй перад іх тварамі. На адным з такіх відэа бачна, як невядомы б'е па нагах дзяўчыну, адначасова з гэтым прабіваючы нагой у грудзі мінаку, пасля чаго дастае прадмет, падобны да пісталета, і пачынае ім пагражаць, трымаючы на лініі агню тую дзяўчынку, пiша Наша Нiва.

Меркавана, невядомы са зброяй і ў спартыўных трэніках — супрацоўнік міліцыі. Такую выснову можна зрабіць па тым, што збітага мужчыну зацягнулі ва ўжо пазнавальны бус. Гэтага мужчыну зваць Віктар Мароз. Ён жыве ў Новай Баравой з сям'ёй — жонкай і сынам.

Пра абставіны вечара «Нашай Ніве» расказала жонка — Вікторыя. Размова адбывалася пад фонавы плач іх малалетняга сына.

— Сёння ўвечары мы сям’ёй выйшлі на прагулку. Позна? Дык у нас двор упрыгожаны, стаіць елка. Дзіця вельмі хацела. У двары муж сустрэў знаёмага, спыніўся пагаварыць, мы стаялі троху побач. Дзіця узяло з сабой ліхтарык, свяціла на цацкі ці нешта такое.

І тут я бачу сітуацыю: бяжыць дзяўчына, за ёй бягуць двое мужчын, гэта ўсё выглядае як нападзенне, я крычу: «Вы што робіце? Вы хто такія? Што адбываецца?» Сын пачынае хавацца пад елкай. Мой муж гэтаму чалавеку кажа, каб пакінуў дзеўку, а той, ні слова не кажучы, дастае пісталет — гэта ўсё бачыць дзіця, — і б'е мужа нагой у жывот.

У нас думка, што гэта нейкія бандыты, яны не прадстаўляюцца. Людзі ў нейкіх каляровых масках, спартовых касцюмах. Крычаць, каб мы каціліся адтуль. Куды? Мы тут жывем! Першая думка — паклікаць на дапамогу.

В минских дворах жестко задержали людей, когда те пили чай и общались

Але на заклік прыбеглі такія ж самыя і пачалі круціць майго мужа, біць. Я ўчапілася ў аднаго, у мяне цякуць слёзы, я кажу — вось наш сын, ён усё бачыць, што ж вы робіце? А адзін з іх хапае мяне за горла, — я думаю, гэта быў нейкі прыём, бо ў мяне заняло дыханне, можа, артэрыю пераціснуў, ці што, бо падкасіліся ногі, — я адпусціла рукі. Мужа ўцягнулі. У мяне пытанне, калі гэта органы — то ад каго яны мяне «абаранялі»? Мой сямігадовы сын плача, што хоча з'ехаць адсюль, што яму «надакучыла жыць» — адкуль у яго ў гэтым узросце такія думкі?, — эмацыйна расказвае жанчына.

Цяпер сваякі шукаюць Віктара Мароза ў аддзяленнях міліцыі.

Очевидцы – о задержаниях во дворах: «Неизвестные кричали: «Лицом к стене!»

Оцени статью:
1
2
3
4
5
Средний балл - 1.4 (оценок:31)