Рэдактар «Нашай Нівы»: «Першую ноч я праляжаў тварам у траву ў дворыку РАУС»
Ягор Марціновіч – пра затрыманне і першыя гадзіны на свабодзе.
— Разам з 47 сумленнымі беларускімі пацанамі я праляжаў першую ноч тварам у траву ў дворыку Заводскага РАУСа. За суткі ніводзін анічога не з’еў, — піша галоўны рэдактар «Нашай Нівы» Ягор Марціновіч. — Разам з 27 іншымі сумленнымі беларускімі пацанамі я правёў другую ноч у камеры на 12 спальных месцаў у Жодзіне.
Я журналіст, таму я магу быць вызвалены «іменем Рэспублікі Беларусь». Астатнія пацаны, некаторыя з якіх збітыя ў аўтазаках на горкі яблык, не маюць магчымасці паведаміць родным пра сваё затрыманне і не ведаюць, калі іх будуць судзіць, хоць 72 гадзіны з часу затрымання ўжо мінулі.
Абяцаў паведаміць 27 сем’ям, што іх блізкія застаюцца за кратамі, але вераць у новую Беларусь, дзе людзей не будуць хапаць на вуліцах ні за што.
Гэты допіс журналіст зрабіў адразу ж па прыездзе ў Мінск, куды яго прывезлі 12 жніўня на міліцэйскім аўто. Ягор Марціновіч быў затрыманы позна ўвечары 10 жніўня і да сёння ягонае месцазнаходжанне было невядомае.
— Жахліва разумець, што робіш шчаслівымі 15 сем’яў, расказваючы ім пра тое, што іх сын-муж-сябар знаходзіцца ў крытай турме Жодзіна. Затое жывы, — піша рэдактар «НН». І публікуе спіс тых, з кім ён быў у Жодзіна:
- Сяргей Сяргеевіч Камароўскі
- Ілья Іванавіч Лосеў
- Арцём Сяргеевіч Паўлаў
- Яўген Міхайлавіч Жук
- Андрэй Дзмітрыевіч Давідчык
- Сяргей Сяргеевіч Камароўскі
- Уладзіслаў
- Аляксандр Дзмітрыевіч Бурдзенкоў
- Мікіта Данчак
- Віталь Віктаровіч Бакун
- Дзмітрый Машкоў
- Ігар Іваноў (моцна збіты)
- Мікіта Алегавіч Карпаў
- Аляксандр Антонавіч Пятроўскі
- Уладзімір Касцюкевіч
- Дзмітрый «Легаров» (?)
Оцените статью
1 2 3 4 5Читайте еще
Избранное