Общество

«Патрабуем разысціся». У Мінску затрымалі больш за дзясятак музыкаў

Паводле інфармацыі Нашай Нівы, затрыманы калектыў барабаншчыкаў «Патрабуем разысціся», які даваў канцэрты ў дварах у розных раёнах Мінска.

Ілюстрацыйнае фота — музыкі на адным з маршаў пратэсту. Фота Надзеі Бужан, НН

Затрыманыя не менш за 10 чалавек, пра гэта паведаміў сябра аднаго з затрыманых — той паспеў пазваніць. Хлопцы збіраліся на рэпетыцыю.

Адначасова ў розных раёнах Мінска затрымалі яшчэ некалькі музыкаў, якія давалі дваровыя канцэрты. Сярод іх Суладзэ Ціматэ (затрыманы ў Сухарава), Камянецкі Мікіта (у Малінаўцы).

Напярэдаднi былі затрыманыя музыкі гуртоў Vuraj, TonqiXod і Dee Tree.

У сераду проста з працоўнага месца забралі двух артыстаў Філармоніі, а раней судзілі дзвюх жанчын-дырыжораў.

Усяго колькасць рэпрэсаваных у Беларусі набліжаецца да 20 тысяч. Так лукашэнкаўцы адказалі на пратэсты супраць фальсіфікацый і насілля. Стандартнае абвінавачванне — удзел у несанкцыянаваных мерапрыемствах або непадпарадкаванне міліцыі. Але заведзена таксама каля 700 крымінальных спраў, фігурантамі якіх, верагодна, сталі або стануць некалькі тысяч чалавек.

Оцените статью

1 2 3 4 5

Средний балл 2(11)