Памяцi Юрыя Зiсера: «Шкада. Вельмі шкада. Да адчаю»
Пасля працяглай хваробы ў Мінску 17 мая на 60-м годзе жыцця памёр Юрый Зісер, заснавальнік партала TUT.BY, грамадскі дзеяч, мецэнат.
Пісьменнік Уладзімір Някляеў сёння пiша: «Калі бачыліся апошнім разам, я, ведаючы, у якім ён стане, выпіў за ягонае здароўе, сказаўшы, што людзей, якія так патрэбныя сёння Беларусі, як ён, не так і шмат, таму з усіх сіл трэба стаяць, выстаяць…
Ён і стаяў, але сіл не хапіла.
Шкада. Вельмі шкада. Да адчаю…
Мае найшчырыя спачуванні родным, блізкім, усім, хто ведаў яго і любіў.
ДАРОГА
Юры Зісеру
Пры дарозе, як іголку ў стозе,
Я пакіну тое, што знайду,
Хоць ніколі сам па той дарозе
Болей не праеду, не прайду.
Той, хто потым выйдзе на дарогу,
Знойдзе, што пакінута яму,
Дзякуй за дарогу скажа Богу
І яшчэ няведама каму».
Оцените статью
1 2 3 4 5Читайте еще
Избранное