Падпiшыся за падпiску
Колькасць незалежных выданняў, на якія немагчыма будзе падпісацца праз паштовыя аддзяленні, павялічваецца. Днямі стала вядома, што ў падпісны каталог “Белпошты” на 2006 год не патрапілі “Наша Ніва” і шэраг рэгіянальных газет.
Нагадаем,
што яшчэ раней з падпіснога каталогу былі выключаныя “Салідарнасць”, “Народная
воля” і “Згода”. Падставай для гэтага кроку дзяржаўны манапаліст у сферы
распаўсюджвання перыядычных выданняў па падпісцы назваў “эканамічную
немэтазгоднасць”. Цікавая гутарка адбылася з гэтай нагоды паміж карэспандэнтам
«Радыё Свабода» і выканаўцай абавязкаў генеральнага дырэктара “Белпошты” Ірынай
Саксонавай. Апошняя параіла журналістцы звярнуцца па каментар у аддзел
падпіскі. На заўвагу, што адпаведныя лісты газеты атрымалі менавіта за подпісам
Саксонавай, тая заявіла: “Ці мала што я падпісвала”.
У
сувязі з узніклай сітуацыяй ГА «Беларуская асацыяцыя журналістаў» звярнулася да
чытачоў з заклікам выступіць у абарону сваіх правоў і ў падтрымку незалежных
газет. Пратэсты і звароты трэба накіроўваць генеральнаму дырэктару РУП
«Белпошта» (220050, г.Мінск, пр-т Незалежнасці, 10, тэл. 226-01-73, факс
226-11-70) і міністру сувязі і інфарматызацыі Рэспублікі Беларусь (220050,
г.Мінск, пр-т Незалежнасці, 10, тэл. 227-38-61, факс 227-21-57). У лістах
неабходна ўказаць пасаду адрасата, вашы прозвішча, імя, імя па бацьку і адрас,
указанне на парушэнне вашых правоў выключэннем з падпіснога каталогу выданняў,
патрабаванне забяспечыць выкананне беларускага заканадаўства, а таксама дату і
подпіс. Акрамя таго, кожны можа ўнесці запіс у Кнігу заўваг і прапаноў у сваім
паштовым ад-дзяленні. У адпаведнасці з прэзідэнцкім Дэкрэтам №2 ад 14 студзеня
2005 года «Аб удасканаленні працы з насельніцтвам» гэтая кніга павінна быць
прад’яўлена па першым патрабаванні грамадзяніна, а прапановы і заўвагі —
разгледжаныя на працягу 15 дзён. Такія асабістыя акцыі пратэсту ўжо пачаліся.
Як паведамляе сайт БАЖу, горацкі незалежны журналіст Эдуард Брокараў пакінуў
свае скаргі на адсутнасць «Народнай волі» ў «саюздрукаўскіх» шапіках Горак,
суседняй Воршы і абласнога цэнтра.
На сёння пытанне, якім чынам “Салідарнасць” і іншыя
выкінутыя за борт недзяржаўныя газеты будуць распаўсюджвацца ў 2006 го-дзе,
застаецца адкрытым.
Оцените статью
1 2 3 4 5Читайте еще
Избранное